Memleket basshysy Qasym-Jomart Toqaev pen Elbasy Nursultan Nazarbaev el Táýelsizdiginiń 30 jyldyq mereitoiyna orai «Astana Opera» opera jáne balet teatrynyń ǵimaratynda ótken saltanatty jiynǵa qatysty, dep habarlaidy "Ult aqparat" Aqordaǵa silteme jasap.
Qazaqstan Prezidenti barsha qazaqstandyqty el Táýelsizdiginiń mereitoiymen quttyqtap, jinalǵan qaýym aldynda sóz sóiledi.
Qasym-Jomart Toqaev sóilegen sózinde Qazaq memlekettiliginiń ǵasyrlar boiǵy tarihynyń eń mańyzdy kezeńderine, Táýelsizdik alǵan sátten bastap Qazaqstannyń áleýmettik-ekonomikalyq, syrtqy saiasi, mádeni, ǵylymi salalardaǵy mańyzdy jetistikterine nazar aýdardy. Tuńǵysh Prezident – Elbasy Nursultan Nazarbaevtyń Egemen Qazaqstandy qurý isindegi eren eńbegine arnaiy toqtaldy.
– Táýelsizdiktiń otyz jyly – tutas bir dáýir. Bul – qiyndyqtar men synaqtardy tabandy túrde eńserý dáýiri, tar jol, taiǵaq keshýmen salystyrýǵa bolatyn uzaq kezeń. Bul – halqymyzdyń tarihynda betburys bolǵan jasampazdyq dáýiri. Sondyqtan el azamattarynyń atynan Nursultan Ábishuly Nazarbaevqa táýelsiz Qazaqstandy qurýdaǵy eren eńbegi úshin shyn júrekten alǵys aitamyn, – dedi Memleket basshysy.
Qasym-Jomart Toqaev Táýelsizdikti nyǵaitýǵa úles qosqan barsha otandasymyzǵa alǵys aitty.
– Eńseli el bolýymyzǵa barlyq salanyń, túrli mamandyqtyń ókilderi jáne barsha azamattarymyz bir kisidei atsalysty. Túptep kelgende, Táýelsizdikti nyǵaitý degenimiz – elge paidasy tietin naqty jumystardy júzege asyrý. Qazaqstan sizderdiń jasampaz eńbekterińizdiń arqasynda zor jetistikke jetti. Men osy mereili sátte Táýelsizdigimizdi nyǵaitýǵa qosqan úlesi úshin dúiim jurtqa alǵys aitamyn, – dedi Prezident.
Prezident aldaǵy kezeńge arnalǵan josparlar týraly aita kele, elimizdi odan ári damytýdyń basym mindetterine toqtaldy.
– Endi aldymyzda bolashaqtyń ekonomikasyn jedel qurý mindeti tur. Onyń negizin jańa tehnologiialar, jasandy intellekt, joǵary eńbek ónimdiligi jáne shyǵarmashylyq bastama quraidy. Bul jumystardy atqarýda jastar sheshýshi ról atqarýy kerek. Memleket qoǵamdaǵy konstrýktivti dialog pen yntymaqtastyqty maqsatty túrde damyta otyryp, árqashan jaýapty azamattarǵa arqa súieidi. Biz dáiekti saiasi jańǵyrý úderisin jalǵastyra beremiz, biraq áleýmettik antagonizmge, popýlizmge, ishki jaǵdaidyń turaqsyzdanýyna jol bermeimiz. Elimizde úilesim men tártiptiń berik arqaýy retinde zań ústem qurýǵa tiis. Ekologiiany jaqsartý aldaǵy onjyldyqtaǵy memlekettik saiasattyń negizgi basymdyǵy bolady. Qazaqstan tsifrlyq tehnologiiany engizý isin jan-jaqty kúsheitedi. Biz qoǵamda iskerlik rýhy men tájiribesin odan ári kúsheitýdi sózben emes, jasampaz ulttyń dańqyn asyra otyryp ispen kórsetýimiz kerek, – dedi Memleket basshysy.
Qasym-Jomart Toqaev sóziniń sońynda minberge QR Tuńǵysh Prezidenti – Elbasy Nursultan Nazarbaevty shaqyrdy.
Saltanatty jiyn merekelik kontsertke ulasty.
