Táýelsizdigimizdiń tabysyna toqmeiilsýge bolmaidy. Bul týraly Táýelsizdiktiń 30 jyldyǵyna arnalǵan saltanatty is-sharada QR Prezidenti Qasym-Jomart Toqaev aitty, dep habarlaidy QazAqparat.
«Jańa jahandyq jáne óńirlik syn-tegeýirin jaǵdaiynda Táýelsizdik jetistikterin eseleý úshin bizge kúsh-jigerimizdi eki, tipti úsh eseleý qajet. Basqa sózben aitar bolsaq, tabysymyzǵa toqmeiilsýge bolmaidy», - dep atap ótti QR Prezidenti.
Memleket basshysy áleýmettik-ekonomikalyq ómirdiń barlyq salasynda jankeshti kúndelikti jumystyń qajet ekendigin basa aitty.
«Bizdiń aldymyzda azamattardyń ómir sapasyn arttyrýǵa qatysty jańa mindetter tur. Biz «Adam memleket úshin emes, memleket adam úshin» negizgi qalaýshy qaǵidatynan taimaityn bolamyz. Qoǵamymyz «Halyq únine qulaq asatyn memleket» tujyrymdamasyn zor úmitpen qabyldady. Sondyqtan memlekettik qyzmetshiler azamattardyń senimin aqtap, qalaýlaryn eskerý úshin bar kúsh-jigerlerin jumsaýy tiis», - dedi Qasym-Jomart Toqaev.
