Biz barlyq tabysqa azattyqtyń arqasynda qol jetkizdik. Bul týraly Ulttyq qoǵamdyq senim keńesiniń tórtinshi otyrysynda Prezident Qasym-Jomart Toqaev málim etti, dep habarlaidy "Ult aqparat".
«30 jyl ishinde biz Elbasynyń sarabdal saiasatynyń arqasynda bedeldi, áleýeti mol memleket qurdyq. Jetistikterimiz az emes. Muny búkil álem moiyndap otyr. Degenmen aldymyzda aýqymdy mindetter men biik maqsattar tur. Onyń barlyǵyna josparly túrde qol jetkize beremiz. Men aitqanymdai, kelesi jyly Táýelsizdigimizdiń 30 jyldyǵyn atap ótemiz. Táýelsizdiktiń urpaǵy - Otanymyzdyń erteńi, elimizdiń odan ári damýynyń qozǵaýshy kúshi – solar. Táýelsizdiktiń 30 jyldyǵy - egenmendiktiń bizge bergen igiligin saralaý jáne qundylyǵyn baǵalaý múmkindigi. Biz barlyq tabysqa azattyqtyń arqasynda qol jetkizdik. Táýelsizdik - eń asyl, eń qymbat, eń kieli qundylyǵymyz!», - dedi Prezident.
Memleket basshysy qazirgidei almaǵaiyp kezeńde memleketter men ulttar álsirep, egenmendiginen de ońai aiyrylyp qalýy múmkin ekenin aitty.
«Buǵan keshegi tarih pen búgingi álem bederinde mysaldar jetkilikti. Otanymyzdyń ósip-órkendeýi úshin qasterli Táýelsizdigimizdi qorǵaý jáne nyǵaitý - árbir Qazaqstan azamatynyń jáne barlyq saiasi kúshterdiń abyroily mindeti», - dedi Qasym-Jomart Toqaev.
.jpeg)