Prezident Qasym-Jomart Toqaev Soltústik Makedoniianyń syrtqy ister ministri Býiar Osmanidi qabyldady, - dep habarlaidy "Ult aqparat" Aqorda saityna silteme jasap.
Qasym-Jomart Toqaev Býiar Osmanige iltipat bildire otyryp, eki el arasyndaǵy yntymaqtastyqqa tyń serpin berý turǵysynan onyń bul saparynyń mańyzy zor ekenin aitty.
"Bizdiń elderimiz ózara is-qimyldardy, atap aitqanda saýda, investitsiia salalaryndaǵy qatynastardy jáne gýmanitarlyq bailanystardy nyǵaitý úshin zor múmkindikterge ie. Sondyqtan memleketterimiz arasyndaǵy yntymaqtastyqty damytý úshin bar áleýetti paidalaný kerek. Sondai-aq halyqaralyq uiymdar aiasynda da tyǵyz yqpaldastyq ornatamyz degen úmittemiz", - dedi Qazaqstan Prezidenti.
Qasym-Jomart Toqaev Tetovo qalasyndaǵy koronavirýspen aýyrǵan naýqastar emdeletin aýrýhanada bolǵan órt saldarynan qaza tapqan adamdardyń otbasylaryna kóńil aitty. Kezdesýde Prezident Aýǵanstandaǵy ahýalǵa erekshe nazar aýdardy.
"Aýǵanstanǵa qatysty ustanymymyz aiqyn. Halyqaralyq qoǵamdastyqtyń osyndai betburystar kezinde Aýǵanstannan irgesin aýlaq salmai, atalǵan elge kómek berip, qoldaý kórsetýi qajet dep esepteimiz. Biz Aýǵanstannyń ýaqytsha jańa úkimetin inkliýzivti, barlyq etnikalyq toptar men qoǵamdyq-saiasi kúshterdiń múddesin qurmetteidi dep úmittenemiz. Qazirgi Aýǵanstan úkimeti adam quqyqtaryn, áielder men balalardyń quqyqtaryn qorǵaý jónindegi mindettemelerin oryndap, halyqaralyq qaýymdastyqty jahandyq jáne aimaqtyq qaýipsizdik pen turaqtylyqqa qaýip tóndiretin terrorizmniń, zańsyz esirtki ainalymynyń taralýynan jáne basqa da qiyndyqtardan qorǵaý úshin naqty sharalar qabyldaitynyna úmit artamyz. Sonymen qatar Qazaqstan úkimeti Aýǵanstan úkimetimen konstrýktivti iskerlik bailanystardy, ásirese saýda jáne gýmanitarlyq yntymaqtastyq salalaryndaǵy qatynastardy ornatýǵa daiyn. Óitkeni bul salalar boiynsha eki el arasynda dástúrli tyǵyz bailanys bar", - dedi Memleket basshysy.
Qasym-Jomart Toqaev Aýǵanstanda turatyn qazaqstandyqtardyń qaýipsizdigin qamtamasyz etýdiń mańyzdy ekenine toqtaldy. Ol Býiar Osmanige Qazaqstan azamattary men etnikalyq qazaqtardy óz otanyna qaitarý jóninde, sondai-aq álemdik qaýymdastyqtyń halyqaralyq uiymdar qyzmetkerlerin, onyń ishinde BUU-nyń Aýǵanstanǵa kómek berý jónindegi missiiasyn evakýatsiialaý jumystaryna kómektesý jóninde qabyldaǵan sharalary týraly aitty.
Óz kezeginde Býiar Osmani kezdesýge múmkindik bergeni úshin Memleket basshysyna alǵys aityp, eki el táýelsizdiginiń 30 jyldyǵy aiasynda jasaǵan saparynyń simvoldyq máni bar ekenin atap ótti.
"Meniń Qazaqstanǵa saparym bizdiń memleketter arasyndaǵy qarym-qatynastardy jańa beleske shyǵarady degen senimdemin. Biz ekijaqty bailanystardy tereńdetýge jáne nyǵaitýǵa múddelimiz", - dedi makedoniialyq diplomat.
Kezdesýde Aýǵanstan baǵyty boiynsha halyqaralyq ádisterdi jumyldyrýda BUU Qaýipsizdik Keńesiniń basymdyqqa ie ekeni aityldy.
