پرەزيدەنت قاسىم-جومارت توقاەۆ سولتٷستٸك ماكەدونييانىڭ سىرتقى ٸستەر مينيسترٸ بۋيار وسمانيدٸ قابىلدادى, - دەپ حابارلايدى "ۇلت اقپارات" اقوردا سايتىنا سٸلتەمە جاساپ.
قاسىم-جومارت توقاەۆ بۋيار وسمانيگە ٸلتيپات بٸلدٸرە وتىرىپ, ەكٸ ەل اراسىنداعى ىنتىماقتاستىققا تىڭ سەرپٸن بەرۋ تۇرعىسىنان ونىڭ بۇل ساپارىنىڭ ماڭىزى زور ەكەنٸن ايتتى.
"بٸزدٸڭ ەلدەرٸمٸز ٶزارا ٸس-قيمىلداردى, اتاپ ايتقاندا ساۋدا, ينۆەستيتسييا سالالارىنداعى قاتىناستاردى جەنە گۋمانيتارلىق بايلانىستاردى نىعايتۋ ٷشٸن زور مٷمكٸندٸكتەرگە يە. سوندىقتان مەملەكەتتەرٸمٸز اراسىنداعى ىنتىماقتاستىقتى دامىتۋ ٷشٸن بار ەلەۋەتتٸ پايدالانۋ كەرەك. سونداي-اق حالىقارالىق ۇيىمدار اياسىندا دا تىعىز ىقپالداستىق ورناتامىز دەگەن ٷمٸتتەمٸز", - دەدٸ قازاقستان پرەزيدەنتٸ.
قاسىم-جومارت توقاەۆ تەتوۆو قالاسىنداعى كوروناۆيرۋسپەن اۋىرعان ناۋقاستار ەمدەلەتٸن اۋرۋحانادا بولعان ٶرت سالدارىنان قازا تاپقان ادامداردىڭ وتباسىلارىنا كٶڭٸل ايتتى. كەزدەسۋدە پرەزيدەنت اۋعانستانداعى احۋالعا ەرەكشە نازار اۋداردى.
"اۋعانستانعا قاتىستى ۇستانىمىمىز ايقىن. حالىقارالىق قوعامداستىقتىڭ وسىنداي بەتبۇرىستار كەزٸندە اۋعانستاننان ٸرگەسٸن اۋلاق سالماي, اتالعان ەلگە كٶمەك بەرٸپ, قولداۋ كٶرسەتۋٸ قاجەت دەپ ەسەپتەيمٸز. بٸز اۋعانستاننىڭ ۋاقىتشا جاڭا ٷكٸمەتٸن ينكليۋزيۆتٸ, بارلىق ەتنيكالىق توپتار مەن قوعامدىق-ساياسي كٷشتەردٸڭ مٷددەسٸن قۇرمەتتەيدٸ دەپ ٷمٸتتەنەمٸز. قازٸرگٸ اۋعانستان ٷكٸمەتٸ ادام قۇقىقتارىن, ەيەلدەر مەن بالالاردىڭ قۇقىقتارىن قورعاۋ جٶنٸندەگٸ مٸندەتتەمەلەرٸن ورىنداپ, حالىقارالىق قاۋىمداستىقتى جاھاندىق جەنە ايماقتىق قاۋٸپسٸزدٸك پەن تۇراقتىلىققا قاۋٸپ تٶندٸرەتٸن تەرروريزمنٸڭ, زاڭسىز ەسٸرتكٸ اينالىمىنىڭ تارالۋىنان جەنە باسقا دا قيىندىقتاردان قورعاۋ ٷشٸن ناقتى شارالار قابىلدايتىنىنا ٷمٸت ارتامىز. سونىمەن قاتار قازاقستان ٷكٸمەتٸ اۋعانستان ٷكٸمەتٸمەن كونسترۋكتيۆتٸ ٸسكەرلٸك بايلانىستاردى, ەسٸرەسە ساۋدا جەنە گۋمانيتارلىق ىنتىماقتاستىق سالالارىنداعى قاتىناستاردى ورناتۋعا دايىن. ٶيتكەنٸ بۇل سالالار بويىنشا ەكٸ ەل اراسىندا دەستٷرلٸ تىعىز بايلانىس بار", - دەدٸ مەملەكەت باسشىسى.
قاسىم-جومارت توقاەۆ اۋعانستاندا تۇراتىن قازاقستاندىقتاردىڭ قاۋٸپسٸزدٸگٸن قامتاماسىز ەتۋدٸڭ ماڭىزدى ەكەنٸنە توقتالدى. ول بۋيار وسمانيگە قازاقستان ازاماتتارى مەن ەتنيكالىق قازاقتاردى ٶز وتانىنا قايتارۋ جٶنٸندە, سونداي-اق ەلەمدٸك قاۋىمداستىقتىڭ حالىقارالىق ۇيىمدار قىزمەتكەرلەرٸن, ونىڭ ٸشٸندە بۇۇ-نىڭ اۋعانستانعا كٶمەك بەرۋ جٶنٸندەگٸ ميسسيياسىن ەۆاكۋاتسييالاۋ جۇمىستارىنا كٶمەكتەسۋ جٶنٸندە قابىلداعان شارالارى تۋرالى ايتتى.
ٶز كەزەگٸندە بۋيار وسماني كەزدەسۋگە مٷمكٸندٸك بەرگەنٸ ٷشٸن مەملەكەت باسشىسىنا العىس ايتىپ, ەكٸ ەل تەۋەلسٸزدٸگٸنٸڭ 30 جىلدىعى اياسىندا جاساعان ساپارىنىڭ سيمۆولدىق مەنٸ بار ەكەنٸن اتاپ ٶتتٸ.
"مەنٸڭ قازاقستانعا ساپارىم بٸزدٸڭ مەملەكەتتەر اراسىنداعى قارىم-قاتىناستاردى جاڭا بەلەسكە شىعارادى دەگەن سەنٸمدەمٸن. بٸز ەكٸجاقتى بايلانىستاردى تەرەڭدەتۋگە جەنە نىعايتۋعا مٷددەلٸمٸز", - دەدٸ ماكەدونييالىق ديپلومات.
كەزدەسۋدە اۋعانستان باعىتى بويىنشا حالىقارالىق ەدٸستەردٸ جۇمىلدىرۋدا بۇۇ قاۋٸپسٸزدٸك كەڭەسٸنٸڭ باسىمدىققا يە ەكەنٸ ايتىلدى.
