Foto: Aqorda
Prezident Qasym-Jomart Toqaev Smitson ortalyǵynyń halyq shyǵarmashylyǵy jáne mádeni mura arnaiy jobalary jónindegi direktory Halle Batvinmen kezdesti, dep habarlaidy Ult.kz.
Memleket basshysy amerikalyq áriptesine qazaq mádenietin AQSh-ta belsendi túrde dáriptegeni úshin alǵys bildirdi. Onyń aitýynsha, mádeni diplomatiia Qazaqstan men AQSh arasyndaǵy yntymaqtastyqty jańa deńgeige kóteredi.
Smitson ortalyǵy janynan qurylǵan Qazaqstannyń mádeni mura qory ulttyq óner men dástúrdi nasihattaýmen qatar, qazaq halqynyń tarihy men rýhani ómirin zertteýge arnalǵan birlesken ǵylymi jobalardy iske asyrady.
Aita keteiik, Smitson institýty – álemdegi eń iri mádeni, bilim berý jáne ǵylymi-zertteý keshenderiniń biri. Onyń quramyna 21 mýzei men galereia, 14 ǵylymi jáne bilim berý ortalyǵy, sondai-aq kitaphanalar men ulttyq zoobaq kiredi.
