Sýret: Aqorda
Memleket basshysy Singapýr Respýblikasynyń prezidenti Tarman Shanmýgaratnammen kelissóz júrgizdi, dep habarlaidy "Ult aqparat" Aqordaǵa silteme jasap.
Qasym-Jomart Toqaev qazaq delegatsiiasyna syi-qurmet kórsetkeni úshin alǵys aityp, bul 20 jyldan astam ýaqyt ishinde Qazaqstan Prezidentiniń Singapýrǵa jasaǵan birinshi sapary ekenin atap ótti. Sondai-aq 1970-jyldary Keńes odaǵynyń diplomaty retinde qyzmet etkendikten, bul eldi óte jaqsy biletinin jáne araǵa ýaqyt salyp munda Qazaqstan Prezidenti retinde qaita kelgenine qýanyshty ekenin jetkizdi.
Memleket basshysy Singapýrdy ýaqyt synynan ótken senimdi seriktes sanaidy. Búginde Qazaqstanda 140-tan astam singapýrlyq kompaniia men birlesken kásiporyn jumys isteidi. Bul rette Singapýrdyń Qazaqstan ekonomikasyna salǵan investitsiiasy 1,7 milliard dollardan asty. Pandemiia saldarynan týyndaǵan ekonomikalyq qiyndyqtarǵa qaramastan, ekijaqty saýda kólemi kóp uzamai 2 milliard dollardan asady.
Qazaqstan prezidentiniń aitýynsha, elimiz senimdi saiasi dialogqa, qarqyndy damyp kele jatqan saýda jáne investitsiialyq bailanystarǵa baǵyttalǵan ekijaqty yntymaqtastyqtyń múlde jańa kezeńine jol ashýǵa nietti.
Prezident Tarman Shanmýgaratnam eki el arasyndaǵy qarym-qatynastyń damý dinamikasyna joǵary baǵa berdi.
Kezdesý barysynda memleketter basshylary saýda-ekonomikalyq, investitsiialyq jáne mádeni-gýmanitarlyq salalardaǵy yntymaqtastyqty damytý perspektivalaryn egjei-tegjeili talqylady.
Memleket basshysy Qazaqstannyń Singapýrmen energetika, asa mańyzdy shikizatty óńdeý, infraqurylymdy damytý, tsifrlyq ekonomika, qarjy tehnologiiasy, agrotehnologiia, logistika jáne bailanys sekildi negizgi salalar boiynsha yntymaqtastyqty keńeitýge múddeli ekenin málimdedi.
Prezidentter ózara tiimdi investitsiialyq jobalardy ilgeriletý, sonyń ishinde ekijaqty qatynastardyń quqyqtyq bazasyn nyǵaitý arqyly kúsh-jiger biriktirýge ýaǵdalasty. Taraptar bilim berý jáne adam kapitalyn damytý baǵyttaryndaǵy yntymaqtasty jandandyrý qajet dep sanaidy.
