Prezident Qasym-Jomart Toqaev Qytai Halyq Respýblikasynyń Tóraǵasy Si Tszinpinge kóńil aitý jedelhatyn joldady, dep habarlaidy Aqordanyń resmi saity.
Memleket basshysy Qytaidyń Henan provintsiiasyndaǵy tolassyz jańbyr men sý tasqyny saldarynan kóptegen adamnyń qaza tapqany jáne zardap shekkeni týraly sýyt habardy tereń kúizelispen qabyldady.
«Osyndai aýyr sátte qaiǵy-qasiretterińizge ortaqtasyp, barsha qazaqstandyqtardyń jáne jeke ózimniń atymnan Sizge, jaqyndarynan aiyrylǵan otbasylarǵa, sondai-aq, búkil Qytai halqyna qaiǵyra kóńil aitamyn. Tabiǵi apattan jaraqat alǵandardyń tez arada saýyǵyp, iz-tússiz joǵalǵandardyń aman-esen otbasylaryna oralýyna tilektestigimdi bildiremin», – delingen jedelhatta.
Qasym-Jomart Toqaev qajettilik bolǵan jaǵdaida Qazaqstan Úkimeti tiisti kómek kórsetýge daiyn ekenin naqtylady.
