Qasym-Jomart Toqaev Shanhai Yntymaqtastyq Uiymynyń sammitine qatysý úshin Bishkek qalasyna keldi. Bul týraly QR Prezidentiniń baspasóz hatshysy Berik Ýáli Feisbýktegi paraqshasynda habarlady.
«Qasym-Jomart Toqaev ShYU múshe memleketter basshylarynyń shaǵyn jáne keńeitilgen quramda ótetin otyrystaryna qatysady. Sammit qorytyndysy boiynsha birqatar qujattarǵa qol qoiylady jáne qabyldanady dep josparlanýda» delingen habarlamada.
Sonymen qatar, habarlamada Memleket basshysy Qasym-Jomart Toqaevtyń Qyrǵyz Respýblikasynyń Prezidenti Sooronbai Jeenbekovpen, QHR Tóraǵasy Si Tszinpinmen, sondai-aq, Aýǵanstan Islam Respýblikasynyń Prezidenti Muhammed Ashraf Ǵanimen ekijaqty kezdesýler ótkizetini aitalǵan.
