Qazaqstan Prezidenti Shanhai yntymaqtastyq uiymyna múshe memleketter basshylary keńesiniń otyrysyna qatysty, dep habarlaidy "Ult aqparat" Aqordaǵa silteme jasap.
Resmi qarsy alý rásiminen keiin Shanhai yntymaqtastyq uiymyna múshe memleketter basshylarynyń shaǵyn jáne keńeitilgen quramdaǵy otyrysy ótti.
Memleket basshysy Qyrǵyz Respýblikasynyń Prezidenti Sooronbai Jeenbekovke jyly qarsy alǵany jáne sammitke joǵary deńgeide daiyndalǵany úshin rizashylyq bildirip, sammitte qabyldanǵan sheshimder men qol qoiylǵan qujattar elder arasyndaǵy kooperatsiiany nyǵaitýǵa septigin tigizetinine senimdi ekenin aitty.
Memleket basshysy halyqaralyq qatynastar júiesiniń transformatsiiasy kópjaqty birlestikter qyzmetteriniń meilinshe teńestirilgen jáne aiqyn qaǵidattaryn jasaý qajettigin kórsetetinine toqtalyp, osyǵan bailanysty óziniń pikirine sáikes ShYU-nyń basty mindetterin atap ótti.
– Birinshiden, ShYU keńistiginde ózara senimdi, qaýipsizdik pen yntymaqtastyqty qamtamasyz etý maqsatynda konstrýktivti dialog pen ózara is-qimyldardy nyǵaitý mańyzdy bolyp qala berýi tiis. Osyǵan bailanysty, ShYU strategiiasy sheńberinde 2018-2022 jyldarǵa arnalǵan Is-qimyldar josparyn, Uzaq merzimdi tatý kórshilik týraly kelisimdi, dostyq pen yntymaqtastyqty tolyqqandy júzege asyrý kerek, – dedi Qazaqstan Prezidenti.
Qasym-Jomart Toqaev Qazaqstan Respýblikasynyń Tuńǵysh Prezidenti Nursultan Nazarbaevtyń «Úsh dialog» jónindegi bastamasynyń der kezinde aitylǵanyn jáne osy rette Eýraziialyq ekonomikalyq odaq, Ońtústik-Shyǵys Aziia memleketteriniń assotsiatsiiasy, BRIKS (Braziliia, Resei, Úndistan, Qytai, Ońtústik Afrika Respýblikasy) jáne Eýropalyq odaq siiaqty Eýraziianyń kópjaqty negizgi qurylymdarymen tolyqqandy qarym-qatynasty ornatyp keńeitý arqyly Uiymnyń halyqaralyq básekege qabiletin arttyrý qajettigin atap ótti.
– Ekonomikalyq ósim baiaýlaǵan ári álemdik naryqtaǵy qarjylyq turaqsyzdyq jaǵdaiynda Shanhai yntymaqtastyq uiymynyń zor áleýetin budan da tiimdi paidalaný qajet. Oǵan segiz jaqty Eýraziialyq qarjylyq keńesshilik mehanizmin qurý septigin tigizedi dep esepteimiz. Búgin Shanhai yntymaqtastyq uiymynyń Hatshylyǵy men «Astana» halyqaralyq qarjy ortalyǵy arasynda qol qoiylǵan Memorandým ShYU elderiniń qarjy júiesin damytýda AHQO-nyń biregei innovatsiialyq áleýetin paidalanýǵa múmkindik beredi, – dedi Memleket basshysy.
Qazaqstan Prezidenti otyrysqa qatysýshylardyń nazaryn aimaqtaǵy qaýipsizdikti qamtamasyz etý máselelerine aýdardy. Onyń pikirinshe, sáýir aiynda ShYU-ǵa ári áriptes-el – Shri-Lankada bolǵan lańkestik oqiǵa Qazaqstannyń Birikken ulttar uiymy aiasynda Jahandyq lańkestikke qarsy koalitsiia qurý týraly bastamasynyń qajettiligin dáleldedi.
– Sondai-aq, lańkestik máselesi jahandyq jelide kórinis berdi, sondyqtan, kiberqaýipsizdikti qamtamasyz etýdi de kúsheitý qajet etedi. ShYU aqparattyq qaýipsizdik jónindegi Ortalyǵyn qurý Uiymnyń aqparattyq keńistigin qorǵaý isine qosqan mańyzdy úles bolar edi. Tájiribesi men ózindik ereksheligin eskersek, bul máseleni retteýge ShYU-nyń lańkestikke qarsy aimaqtyq qurylymy qaýqarly, – dedi Qasym-Jomart Toqaev.
Sonymen qatar, Memleket basshysy klimattyń ózgerýi men qorshaǵan ortany qorǵaý máselelerine jeke toqtalyp, osy saladaǵy yntymaqtastyq úshin turaqty jumys isteitin platforma qurýdy usyndy.
Qazaqstan Prezidenti sóziniń sońynda bitimgerlik qyzmet elimizdiń halyqaralyq jáne aimaqtyq qaýipsizdikti nyǵaitý jónindegi syrtqy saiasatynyń ajyramas bóligi ekenin aityp, ShYU-daǵy áriptesterge BUU aiasyndaǵy Qazaqstannyń bitimgerlik boiynsha bastamalaryn qoldaǵany úshin rizashylyǵyn bildirdi.
***
Sammit qorytyndysy boiynsha mynadai qujattar qabyldanyp, qol qoiyldy:
1. ShYU múshe memleketter basshylary keńesiniń qorytyndysy jóninde aqparattyq habarlama;
2. ShYU múshe memleketter basshylarynyń Bishkek deklaratsiiasy;
3. ShYU múshe memleketter basshylarynyń ShYU múshe memleketterdiń 2018-2023 jyldarǵa arnalǵan Esirtkige qarsy strategiiasyn júzege asyrýdyń Jumys josparyn jáne ShYU múshe memleketterdiń 2018-2023 jyldarǵa arnalǵan Esirtkige qarsy strategiiasynyń oryndalýy jónindegi is-qimyldar baǵdarlamasyn bekitý týraly sheshimi;
4. ShYU múshe memleketter basshylary keńesiniń ShYU múshe memleketteri óńirleri basshylary forýmynyń reglamentin bekitý týraly sheshimi;
5. ShYU múshe memleketter basshylary keńesiniń ShYU múshe memleketterdiń tsifrlandyrý jáne aqparattyq kommýnikatsiialyq tehnologiialar salasyndaǵy yntymaqtastyǵynyń tujyrymdamasyn bekitý týraly sheshimi;
6. ShYU múshe memleketter basshylary keńesiniń ShYU múshe memleketterdiń óńiraralyq yntymaqtastyǵyn damytý baǵdarlamasyn bekitý týraly sheshimi;
7. ShYU múshe memleketter basshylary keńesiniń ShYU ótken jylǵy jumystary jónindegi ShYU Bas hatshysynyń baiandamasyn bekitý týraly sheshimi;
8. ShYU múshe memleketter basshylary keńesiniń ShYU Óńirlik terrorizmge qarsy qurylymynyń 2018 jylǵy jumystary jóninde ShYU Óńirlik terrorizmge qarsy qurylymy keńesiniń baiandamasyn bekitý týraly sheshimi;
9. ShYU múshe memleketter basshylary keńesiniń ShYU múshe memleketteriniń qorshaǵan ortany qorǵaý salasyndaǵy yntymaqtastyǵynyń tujyrymdamasyn naqty júzege asyrý jónindegi is-sharalar josparyn bekitý týraly sheshimi;
10. ShYU múshe memleketter basshylary keńesiniń ShYU men Gýmanitarlyq máselelerdi úilestirý jónindegi BUU Basqarmasy arasyndaǵy ózara túsinistik memorandýmyna qol qoiý týraly sheshimi;
11. ShYU múshe memleketter basshylary keńesiniń ShYU Hatshylyǵy men Búkilálemdik týristik uiym arasyndaǵy ózara túsinistik jónindegi memorandýmǵa qol qoiý týraly sheshimi;
12. ShYU múshe memleketter basshylary keńesiniń ShYU Hatshylyǵy men «Astana» halyqaralyq qarjy ortalyǵy arasyndaǵy ózara túsinistik jónindegi memorandýmǵa qol qoiý týraly sheshimi;
13. ShYU múshe memleketter basshylary keńesiniń ShYU (ShYU Hatshylyǵy) men BUU Azyq-túlik jáne aýylsharýashylyq uiymy arasyndaǵy ózara túsinistik jónindegi memorandýmǵa qol qoiý týraly sheshimi;
14. ShYU múshe memleketter basshylary keńesiniń ShYU Hatshylyǵy men BUU Eýropalyq ekonomikalyq komissiia arasyndaǵy ózara túsinistik jónindegi memorandýmǵa qol qoiý týraly sheshimi;
15. ShYU múshe memleketter basshylary keńesiniń «ShYU – Aýǵanstan» Bailanys toptarynyń keleshek is-qimyldarynyń jol kartasyna qol qoiý týraly sheshimi;
16. ShYU múshe memleketter úkimetteri arasyndaǵy Buqaralyq aqparat quraldary salasyndaǵy yntymaqtastyq týraly kelisim;
17. ShYU múshe memleketterdiń ókiletti organdary arasyndaǵy Dene shynyqtyrý jáne sport salasyndaǵy yntymaqtastyq týraly kelisim;
18. ShYU múshe memleketter basshylary keńesiniń Densaýlyq saqtaý salasyndaǵy 2019-2021 jyldarǵa arnalǵan yntymaqtastyq jónindegi negizgi is-sharalarynyń jospary;
19. ShYU Hatshylyǵy men «Astana» halyqaralyq qarjy ortalyǵy arasyndaǵy ózara túsinistik jónindegi memorandýmǵa qol qoiý týraly;
20. Shanhai yntymaqtastyq uiymynyń Hatshylyǵy men Búkilálemdik týristik uiym arasyndaǵy ózara túsinistik týraly memorandým;
21. Gýmanitarlyq máselelerdi úilestirý jónindegi ShYU men BUU arasyndaǵy ózara túsinistik týraly memorandým;
22. «ShYU – Aýǵanstan» Bailanys toptarynyń keleshek is-qimyldarynyń jol kartasy týraly.
