Qasym-Jomart Toqaev Shanhai yntymaqtastyq uiymyna múshe memleketter basshylary keńesiniń shaǵyn quramdaǵy otyrysyna qatysty, - dep habarlaidy "Ult aqparat" Aqordaǵa silteme jasap.
Memleket basshysy Ózbekstan prezidenti Shavkat Mirziioevke qonaqjailyǵy men Samarqandtaǵy ShYU-nyń kezekti sammitin joǵary deńgeide uiymdastyrǵany úshin alǵys aitty.
Qazaqstan prezidenti ShYU óziniń ámbebaptyǵy men ózara yntymaǵynyń arqasynda qazirgi zamannyń eń ózekti máselelerin sheshýge eleýli úles qosa alady jáne qosýǵa tiis dep esepteidi.
Memleket basshysy shaǵyn quramdaǵy otyrysta ShYU qyzmetiniń qazirgi kezeńdegi basym baǵyttary týraly kózqarasyn bildirdi.
Sondai-aq kezdesýde Ózbekstan prezidenti Shavkat Mirziioev, Úndistan Premer-ministri Narendra Modi, Qytai Tóraǵasy Si Tszinpin, Qyrǵyzstan Prezidenti Sadyr Japarov, Pákistan Premer-ministri Shahbaz Sharif, Resei Prezidenti Vladimir Pýtin jáne Tájikstan Prezidenti Emomali Rahmon sóz sóiledi.
