Qasym-Jomart Toqaev Jenevada Shveitsariianyń Federaldyq Prezidenti Gi Parmelanmen kelissóz júrgizedi. Bul týraly Memleket basshysynyń baspasóz hatshysy Berik Ýáli málim etti, dep habarlaidy "Ult aqparat".
«Qazaqstan Prezidenti resmi saparmen Shveitsariia konfederatsiiasyna keldi.
Jenevada Qasym-Jomart Toqaev Shveitsariianyń Federaldyq Prezidenti Gi Parmelanmen kelissóz júrgizedi. Onyń qorytyndysy boiynsha birqatar úkimetaralyq jáne kommertsiialyq kelisimge qol qoiylmaq.
Sapar baǵdarlamasy boiynsha Memleket basshysy Dúniejúzilik densaýlyq saqtaý assambleiasynyń arnaýly sessiiasynda sóz sóileidi, BUU-nyń jáne basqa da birqatar halyqaralyq uiymnyń basshylyǵymen kelissóz júrgizedi, investitsiialyq dóńgelek ústelge qatysady jáne eýropalyq biznes kapitandarymen kezdesedi dep josparlanyp otyr», - dep jazdy Ýáli Facebook-te.
