Shveitsariianyń iskerlik toptar ókilderimen ótken kezdesýden keiin Memleket basshysy birqatar kompaniianyń jetekshilerimen jeke-jeke kezdesý ótkizdi, dep habarlaidy "Ult aqparat" Aqordanyń resmi saityna silteme jasap.
Stadler Rail AG holdingi direktorlar keńesiniń tóraǵasy Peter Shpýlermen ótken kezdesýde kólik salasyndaǵy investitsiialyq jobalardy júzege asyrýdyń perspektivalary, sondai-aq, Qazaqstan-Shveitsariia iskerlik keńesiniń kezekti otyrysyn ótkizýge bailanysty máseleler talqylandy.
Glencore International AG kompaniiasynyń bas direktory Aivan Glazenberg Qasym-Jomart Toqaevqa «Qazmyrysh» JShS-in odan ári damytý jónindegi kompaniianyń josparlary, sonyń ishinde, Jáirem ken baiytý kombinatyndaǵy polimetall rýdalaryn óńdeitin zaýyttyń qurylysy týraly málimet berdi.
Memleket basshysy Shyǵys Qazaqstan oblysyndaǵy ekologiialyq ahýaldy jaqsartý úshin ozyq tehnologiialardy engizýdiń mańyzdy ekenin aitty.
Qasym-Jomart Toqaev jaqyn arada qyzmetinen ketetin Aivan Glazenbergke Qazaqstannyń taý-ken salasyn damytýǵa qosqan úlesi úshin rizashylyǵyn bildirdi jáne kezdesýge qatysyp otyrǵan Geri Neiglge tabys tiledi. Geri Neigl Aivan Glazenbergtiń ornyna kompaniiany basqarady.
F.Hoffmann-La Roche AG farmatsevtikalyq kompaniiasynyń basqarma tóraǵasy Kristof Frantspen kezdesý kezinde birlesken jobalardy júzege asyrý múmkindikteri, sonyń ishinde, COVID-19 indetin jáne basqa da ártúrli aýrýlardy zertteý jónindegi ǵylymi-zertteý laboratoriiasyn ashý máselesi sóz boldy.
