Prezidenttikke kandidat Qasym-Jomart Toqaevtyń qalalyq qoǵamdyq shtab ókilderi Nur-Sultan qalasyndaǵy sailaýshylarmen kezdesti, dep habarlaidy kandidattyń baspasóz qyzmeti.
Kandidattyń sailaýaldy baǵdarlamasynda negizdelgen basty qaǵidattar - sabaqtastyq, ádildik pen ilgerileý týraly elordalyq shtab múshesi, «Astana-Qamqor» kompaniiasynyń direktory Timýr Orazaqov «EKOTON+» AQ qyzmetkerlerimen kezdesý barysynda sóz etti. Senimdi ókilder sondai-aq, kezdesýge jinalǵandardy Qasym-Jomart Toqaevtyń eńbek jolynyń mańyzdy kezeńderimen tanystyrdy.
Odan basqa, kezdesýge jinalǵandar sailaýaldy baǵdarlamanyń barlyq qaǵidalarymen tanysty, el ómiriniń barlyq salasynda kútiletin ózgerister týraly aitty. Óz kezeginde zaýyt jumysshylary da kandidatty qoldap, sóz sóiledi.
Sondai-aq, úgit-nasihat naýqany sheńberinde senimdi ókilder Ulttyq murajai qyzmetkerlerimen de kezdesti. Olar kandidattyń sailaýaldy baǵdarlamasyn tanystyryp, úmitkerdiń biografiiasyna basymdyq berdi.
Kezdesý sońynda senimdi ókilder barsha qaýymdy aldaǵy sailaýǵa úlken jaýapkershilikpen qaraýǵa shaqyrdy jáne daýys bere otyryp, ár azamat el taǵdyryn tańdaitynyn eske saldy.
