Memleket basshysy Qasym-Jomart Toqaev "Habar 24" telearnasynyń jýrnalisi Vera Zaharchýkke bergen suhbatynda qańtar oqiǵasy kezinde sherýge shyqqandardyń ishinde esirtkige mas bolǵandar týraly aityp berdi, - dep habarlaidy Tengrinews.kz.
"Politseilerdiń qolynda dýbinka boldy, olar shý granatalary, kózden jas aǵyzatyn gazben qarýlandy. Biz qarý sherýshilerge qarsy qoldanylmaidy dep keldik. Sosyn sýatqysh mashinalar boldy. Biraq bul mashinalardy qoldana almady. Sebebi banditter birden basyp aldy. Olar politseilerdiń sherýshilerge qatysty qarý qoldanbaý kerek degen naqty nusqaýlyǵy bolǵanyn bildi. Bul operatsiia daiyndyqpen bolǵanyn bildiredi. Qarý-jaraǵy bolmaǵan desantshylar qatty zardap shekti. Olardyń qolynda dýbinka men qalaqtar boldy. Olardy sheshindirip, Prezident Rezidentsiiasyna shabýyl kezinde tiri qalqan retinde paidalandy. Bul bir. Ekinshiden, áielderdi qoldandy.
Qazir tergeýden banditter esirtki zatyna mas bolǵany anyqtalyp otyr. Aýyrsyný sezimi bolǵan joq. Qorytyndy kezeńte kúsh organdary kúsh qoldana bastaǵanda, aiaǵynan ata bastaǵanda qulady, biraq aýyrsynbady. Ádette jaraqat alǵandar sezetin aýyrsyný bolmady. Bul josparlanǵan operatsiia ekenin taǵy bir márte kórsetip otyr", - dedi Prezident.
Prezidenttiń suhbaty "Habar" jáne "Habar 24" telearnalarynan kórsetildi.
