Memleket basshysy Qasym-Jomart Toqaev Twitter-degi paraqshasynda Jańaózendegi jaǵdaiǵa qatysty jazba jariialady, dep habarlaidy "Ult aqparat".
«Úkimetke Jańaózendegi jaǵdaidy ekonomikalyq turǵydan eskerip, quqyqtyq jaǵynan tez arada qarastyrýdy tapsyrdym. Sherýge shyqqandar qoǵamdyq tártipti buzbaýy tiis. Azamattardyń jergilikti jáne ortalyq bilik organdaryna talabyn ashyq aitýǵa quqyǵy bar, biraq bul zańǵa, naqtyraq aitqanda, beibit sherýler týraly zańǵa sáikes júzege asyrylýy kerek» delingen habarlamada.
Aita keteiik, Jańaózen qalasynyń halqy gaz baǵasynyń kóterilýine orai narazylyq bildirýde.
