Memleket basshysy Senat tóraǵasy Máýlen Áshimbaevty qabyldady, dep habarlaidy "Ult aqparat" Aqordanyń resmi saityna silteme jasap.
Qasym-Jomart Toqaevqa Palata depýtattarynyń Konstitýtsiiaǵa ózgerister men tolyqtyrýlar engizý jónindegi referendýmdy talqylaý úshin óńirlerge jasaǵan sapary týraly baiandaldy. Qazirgi ýaqytta 150-den astam is-shara ótken, onyń kóbi negizinen shaǵyn qalalarda, kentter men shalǵai aýyldarda uiymdastyryldy.
Senatorlar saparynyń nátijesinde azamattardy alańdatqan meilinshe ózekti máselelerge taldaý jasaldy. Atap aitqanda, taýarlar baǵasynyń ósýi, avtomobil joldarynyń jaǵdaiy, jumyspen qamtý máselesi, aýyzsýmen jáne gazben qamtamasyz etilýi, meditsinalyq kómektiń qoljetimdiligi jáne basqa da problemalar.
Prezident Úkimetpen jáne jergilikti atqarýshy organdarmen birlesip, atalǵan máselelerdi sheshý jumystaryn jalǵastyrý qajet ekenin atap ótti.
Máýlen Áshimbaev Qasym-Jomart Toqaevqa aimaqtaǵy memleketterdiń zań shyǵarýshy organdarymen aradaǵy yntymaqtastyqty nyǵaitý jóninde málimet berdi. Ótken aptada senatorlar Ashhabadta ótken «Ortalyq Aziia – Resei» atty parlamentaralyq forýmǵa qatysty.
Yqpaldastyqtyń jańa formaty Aral teńizi óńirindegi ekologiialyq ahýal, transshekaralyq ózenderdi birlesip paidalaný, shekara mańyndaǵy óńirlerdiń yntymaqtastyǵy, sondai-aq Aýǵanstandaǵy jaǵdaiǵa bailanysty aimaqtyq qaýipsizdik máselesi siiaqty ózekti problemalardy sheshý jónindegi depýtattardyń birlesken jumysyn jandandyrýǵa yqpal etedi.
