Foto: © Sputnik / Iosif Býdnevich
Memleket basshysy Ishki ister ministrine Aqmola oblysynyń Shýche qalasynda bolǵan stýdenttiń ólimine qatysty barlyq mán-jaidy jan-jaqty tekserýdi tapsyrdy, dep habarlaidy "Ult aqparat" Aqordanyń baspasóz qyzmetine silteme jasap.
"Kináliler zań talaptaryna sai jaýapqa tartylýy kerek. Prezident bul máseleni erekshe baqylaýǵa aldy" - delingen habarlamada.
Eske salaiyq, 6 qazanǵa qaraǵan túni Shýchinskidegi temirjol boiynda Joǵary tehnikalyq kolledjdiń 4-kýrs stýdenti óli tabylǵan bolatyn.
Marqumnyń esimi - Roman Bodagov. Politsiia málimetinshe, onyń máiiti Býrabai kýrorty men Jamantuz arasyndaǵy ýchaskede temirjol boiynda tabylǵan. Qaiǵyly oqiǵaǵa bailanysty Kókshetaý stantsiiasyndaǵy jelilik politsiia bólimshesinde QR Qylmystyq kodeksiniń 344-baby 2-bóligi "Abaisyzda adam ólimine ákep soqqan jol qozǵalysy nemese temirjol kóligin paidalaný qaýipsizdigi erejelerin buzý" boiynsha sotaldy tergeý bastaldy. Qazirgi ýaqytta is boiynsha qajetti tergeý áreketteri júrgizilip jatyr.
