Memleket basshysy Qasym-Jomart Toqaev sailaýaldy baǵdarlamasyn jariialady, dep habarlaidy Sputnik Qazaqstan.
Búgin Toqaev prezidenttikke kandidat retinde halyqtyq koalitsiianyń respýblikalyq qoǵamdyq shtabyna bardy.
"Men usynyp otyrǵan baǵdarlama "Ádiletti Qazaqstan: bárimiz jáne árqaisymyz úshin" dep atalady. Onyń ár tarmaǵyn ózim jazdym. Bul baǵdarlama meniń júregimnen shyqty dep aitsam, artyq bolmaidy. Bizdiń bir ǵana maqsatymyz bar. Bul – Ádiletti Qazaqstandy qurý", - dedi Toqaev.
Sailaýaldy baǵdarlama úsh qaǵidatqa negizdelgen.
Olar:
- Ádiletti memleket;
- Ádiletti ekonomika;
- Ádiletti qoǵam;
"Ashyǵyn aitaiyn, elimizde áleýmettik salada, ekonomika men saiasatta kóp júieli problemalar jinalyp qaldy, azamattardyń memleket pen bilikke degen senimsizdigi ósip ketti. Bunyń barlyǵy elimizdiń turaqty damýyn tejep otyr, ultymyzdyń jasampaz múmkindigin shektep jatyr. Endi, ádildik ideiasy memlekettik saiasatymyzda eń basty ideia bolady. Bizdiń barlyq ulttyq ideologiiamyz Ádildik ideiasyna negizdeledi", - dep atap kórsetti Toqaev.
Memleket basshysynyń aitýynsha, ádildik ideiasy árbir sheshimde, al adam memlekettiń basty bailyǵy bolady.
"Sol sebepti biz "adam memleket úshin emes, memleket adam úshin" formýlasyn berik ustanatyn bolamyz", - dedi Prezident.
