QR Ortalyq sailaý komissiiasynyń múshesi Anastasiia Shegortsova qazirgi Memleket basshysy Qasym-Jomart Toqaevtyń 11 qarashada ótetin sailaý aldyndaǵy televiziialyq pikirtalasqa nelikten qatyspaitynyn túsindirdi, dep habarlaidy "Ult aqparat" QazAqparat agenttigine silteme jasap.
«Úgit-nasihatty kandidattyń ózi anyqtaityn senimdi ókili ókilettigi sheginde júrgizedi. Sondyqtan bul jaǵdaida senimdi ókil kandidattyń atynan pikirsaiysqa qatysady. Óitkeni, kandidat oǵan senim bildirip otyr. Naqty sebebine keler bolsaq, bul suraqtyń Ortalyq sailaý komissiiasyna qatysy joq. Biz alǵashqy otyrys ótkizgennen keiin barlyq shtabqa saýal jiberdik. Shtab bizge debatqa qatysatyn kandidatýralardy usyndy. Senimhatyn qaradyq. Olar mindetterge tolyq sai keledi. Sondyqtan osyndai tizim bekitilip otyr», - dedi Anastasiia Shegortsova.
Aita keteiik, kezekten tys prezident sailaýy aldyndaǵy televiziialyq debat 11 qarasha keshki 20.00-de "Habar" telearnasynda tikelei efirde ótedi. Pikirsaiystyń uzaqtyǵy keminde 80 minýt. Debatty uiymdastyrýǵa 63 million teńge jumsalmaq.
Televiziialyq debatqa Qasym-Jomart Toqaev qatyspaidy, onyń atynan senimdi ókili Erlan Qoshanov sóz sóileidi. Qalǵan kandidattar pikirtalasqa ózderi keledi.
