قر ورتالىق سايلاۋ كوميسسيياسىنىڭ مٷشەسٸ اناستاسييا ششەگورتسوۆا قازٸرگٸ مەملەكەت باسشىسى قاسىم-جومارت توقاەۆتىڭ 11 قاراشادا ٶتەتٸن سايلاۋ الدىنداعى تەلەۆيزييالىق پٸكٸرتالاسقا نەلٸكتەن قاتىسپايتىنىن تٷسٸندٸردٸ, دەپ حابارلايدى "ۇلت اقپارات" قازاقپارات اگەنتتٸگٸنە سٸلتەمە جاساپ.
«ٷگٸت-ناسيحاتتى كانديداتتىڭ ٶزٸ انىقتايتىن سەنٸمدٸ ٶكٸلٸ ٶكٸلەتتٸگٸ شەگٸندە جٷرگٸزەدٸ. سوندىقتان بۇل جاعدايدا سەنٸمدٸ ٶكٸل كانديداتتىڭ اتىنان پٸكٸرسايىسقا قاتىسادى. ٶيتكەنٸ, كانديدات وعان سەنٸم بٸلدٸرٸپ وتىر. ناقتى سەبەبٸنە كەلەر بولساق, بۇل سۇراقتىڭ ورتالىق سايلاۋ كوميسسيياسىنا قاتىسى جوق. بٸز العاشقى وتىرىس ٶتكٸزگەننەن كەيٸن بارلىق شتابقا ساۋال جٸبەردٸك. شتاب بٸزگە دەباتقا قاتىساتىن كانديداتۋرالاردى ۇسىندى. سەنٸمحاتىن قارادىق. ولار مٸندەتتەرگە تولىق ساي كەلەدٸ. سوندىقتان وسىنداي تٸزٸم بەكٸتٸلٸپ وتىر», - دەدٸ اناستاسييا ششەگورتسوۆا.
ايتا كەتەيٸك, كەزەكتەن تىس پرەزيدەنت سايلاۋى الدىنداعى تەلەۆيزييالىق دەبات 11 قاراشا كەشكٸ 20.00-دە "حابار" تەلەارناسىندا تٸكەلەي ەفيردە ٶتەدٸ. پٸكٸرسايىستىڭ ۇزاقتىعى كەمٸندە 80 مينۋت. دەباتتى ۇيىمداستىرۋعا 63 ميلليون تەڭگە جۇمسالماق.
تەلەۆيزييالىق دەباتقا قاسىم-جومارت توقاەۆ قاتىسپايدى, ونىڭ اتىنان سەنٸمدٸ ٶكٸلٸ ەرلان قوشانوۆ سٶز سٶيلەيدٸ. قالعان كانديداتتار پٸكٸرتالاسقا ٶزدەرٸ كەلەدٸ.
