Qasym-Jomart Toqaev Saýd Arabiiasyndaǵy iri kompaniialardyń basshylarymen kezdesti, dep habarlaidy "Ult aqparat" Aqordanyń resmi saityna silteme jasap.
Memleket basshysy Saýd Arabiiasynyń birqatar kásipkerimen jeke kezdesý ótkizdi.
Atap aitqanda, Prezident Ajlan & Bros Holding Group holdingtik top basqarmasynyń basshysy Adjlan ben Ábdelaziz Ál-Adjlanmen jáne Acwa Power kompaniiasy direktorlar keńesiniń tóraǵasy Muhammed Ábýnaianmen áńgimelesti.
Saýd Arabiiasy Koroldiginiń jáne Taiaý Shyǵystaǵy iri konglomerattyń biri – Ajlan & Bros Holding Group Qazaqstanǵa investitsiia quiýǵa múddeli ekenin aitty. Qazirgi ýaqytta holding Almaty oblysynyń aýyl sharýashylyǵy salasyndaǵy óndiris jobasyn pysyqtaýda.
Muhammed Ábýnaianmen kezdesýde balamaly energiia kózderin damytý máseleleri talqylandy. Prezidenttiń aitýynsha, elimiz 2030 jylǵa qarai jańǵyrtylatyn energiia kózderiniń 30 paiyzyn óndirýdi josparlap otyr. Sonymen qatar Qasym-Jomart Toqaev Acwa Power kompaniiasyn Qazaqstanda jasyl sýtegi óndirisi salasyndaǵy birlesken jobalardy júzege asyrýǵa shaqyrdy.
