Memleket basshysy Qasym-Jomart Toqaev Jambyl oblysynyń ákimi Berdibek Saparbaevty qabyldady, dep habarlaidy "Ult aqparat" Aqordaǵa silteme jasap.
Memleket basshysyna óńirdiń áleýmettik-ekonomikalyq damýy, sonymen qatar, Prezidenttiń Qazaqstan halqyna Joldaýynda qoiylǵan mindetterdi júzege asyrý jospary tanystyryldy.
Kezdesýde turǵyndardy jumyspen qamtý máselelerine basa nazar aýdaryldy. Aimaqta jańadan 26,7 jumys orny ashylǵan. Daǵdarysqa qarsy is-sharalar men memlekettik jáne aimaqtyq ártúrli baǵdarlamalar aiasynda 1370 jobany iske asyrýǵa 142 milliard teńge baǵyttaldy. Osy jobalardy júzege asyrý arqyly oblys turǵyndaryn taza aýyz sýmen qamtamasyz etý úlesi 72%-dan 77,1% -ǵa, gazben qamtý 74,2%-dan 85,9%-ǵa artady.
Qasym-Jomart Toqaevqa Qordai aýdanyndaǵy ahýal týraly da baiandaldy. Oblys ákimi Berdibek Saparbaevtyń aitýynsha, qazirgi ýaqytta jaǵdai turaqty. Biyl aýdanda turǵyn úi jáne jol qurylysy, bilim berý, meditsina, mádeniet jáne sport salasynda jalpy somasy 31,7 milliard teńgege 336 joba iske asyrylǵan.
Turǵyn úiler men kommertsiialyq nysandardy qaita qalpyna keltirý máseleleri qatań baqylaýda. Qaiyrymdylyq qorlarymen 311 million teńge jinalyp, 41 turǵyn jáne 13 kommertsiialyq nysan qalpyna keltirilgen. Sonymen qatar qatty zardap shekpegen 103 nysanǵa jóndeý jumystary ótkizilgen.
Prezidenttiń tapsyrmasyna sáikes, koronavirýstyń bolýy yqtimal ekinshi tolqynyna daiyndyq jumystary júrip jatyr. Aýrýhanalardaǵy tósek-oryn kólemi 2530 orynǵa artqan. Pandemiiamen kúreske 8,1 milliard teńge bólinip, dári-dármekterdiń eki aiǵa jetkilikti qory jasaqtalǵan.
