Rim Papasy Frantsisktiń Qazaqstanǵa jasaǵan memlekettik sapary aiaqtaldy. Memleket basshysy Rim Papasy Frantsiskti elorda áýejaiynan ózi shyǵaryp saldy, dep habarlaidy "Ult aqparat" Aqordanyń baspasóz qyzmetine silteme jasap.
Prezident Rim Papasy Frantsiskke qonaqjai qazaq jerinen estelikke dombyra syilady.
– Bizdiń mádenietimiz týraly jyly lebizderińiz úshin, ásirese dombyra týraly pikirińiz úshin qazaq halqy sizge rizashylyǵyn bildiredi. Qazir búkil basylymdar, buqaralyq aqparat quraldary sizdiń sózińizdi jazyp jatyr. Barlyǵy Rim Papasy qazaq mádenietiniń, sonyń ishinde bizdiń ulttyq aspabymyz - dombyranyń eń úzdik nasihatshysy dep aityp júr. Qazir bul jastar men balalar arasynda óte tanymal. Sizdiń sózderińizden keiin dombyraǵa degen qyzyǵýshylyq tek Qazaqstanda ǵana emes, shet elderde de arta túsedi dep oilaimyn, – dedi Qasym-Jomart Toqaev.
