ريم پاپاسى فرانتسيسكتٸڭ قازاقستانعا جاساعان مەملەكەتتٸك ساپارى اياقتالدى. مەملەكەت باسشىسى ريم پاپاسى فرانتسيسكتٸ ەلوردا ەۋەجايىنان ٶزٸ شىعارىپ سالدى, دەپ حابارلايدى "ۇلت اقپارات" اقوردانىڭ باسپاسٶز قىزمەتٸنە سٸلتەمە جاساپ.
پرەزيدەنت ريم پاپاسى فرانتسيسككە قوناقجاي قازاق جەرٸنەن ەستەلٸككە دومبىرا سىيلادى.
– بٸزدٸڭ مەدەنيەتٸمٸز تۋرالى جىلى لەبٸزدەرٸڭٸز ٷشٸن, ەسٸرەسە دومبىرا تۋرالى پٸكٸرٸڭٸز ٷشٸن قازاق حالقى سٸزگە ريزاشىلىعىن بٸلدٸرەدٸ. قازٸر بٷكٸل باسىلىمدار, بۇقارالىق اقپارات قۇرالدارى سٸزدٸڭ سٶزٸڭٸزدٸ جازىپ جاتىر. بارلىعى ريم پاپاسى قازاق مەدەنيەتٸنٸڭ, سونىڭ ٸشٸندە بٸزدٸڭ ۇلتتىق اسپابىمىز - دومبىرانىڭ ەڭ ٷزدٸك ناسيحاتشىسى دەپ ايتىپ جٷر. قازٸر بۇل جاستار مەن بالالار اراسىندا ٶتە تانىمال. سٸزدٸڭ سٶزدەرٸڭٸزدەن كەيٸن دومبىراعا دەگەن قىزىعۋشىلىق تەك قازاقستاندا عانا ەمەس, شەت ەلدەردە دە ارتا تٷسەدٸ دەپ ويلايمىن, – دەدٸ قاسىم-جومارت توقاەۆ.
