Búgin QR Ortalyq sailaý komissiiasynyń otyrysy ótip, onda 2019 jyldyń 9 maýsymyna taǵaiyndalǵan kezekten tys Prezident sailaýyna kandidat retinde Qasym-Jomart Toqaevty tirkedi.
"Qasym-Jomart Kemeluly Toqaev Qazaqstan Respýblikasynyń Prezidenttigine kandidat retinde tirkelsin; Qasym-Jomart Kemeluly Toqaevqa Qazaqstan Respýblikasynyń Prezidenttigine kandidattyń kýáligi berilsin; Qazaqstan Respýblikasy Ortalyq sailaý komissiiasy apparatynyń biýdjetti josparlaý jáne atqarý bólimi «Qazaqstan Halyq jinaq banki» aktsionerlik qoǵamyna arnaýly ýaqytsha shot ashý úshin Qasym-Jomart Kemeluly Toqaevtyń Qazaqstan Respýblikasynyń Prezidenttigine kandidat retinde tirkelgeni týraly málimetterdi usynsyn; Qazaqstan Respýblikasy Ortalyq sailaý komissiiasy apparatynyń buqaralyq aqparat quraldarymen jáne qoǵamdyq birlestiktermen ózara is-qimyl bólimi Qasym-Jomart Kemeluly Toqaevtyń Qazaqstan Respýblikasynyń Prezidenttigine kandidat retinde tirkelgeni týraly qosa berilip otyrǵan habardy buqaralyq aqparat quraldarynda jariialasyn" delingen Ortalyq sailaý komissiiasy habarlamasynda.
Hattamaǵa sáikes, Prezidenttikke úmitker Qasym-Jomart Kemeluly Toqaevtyń qoldap, Qazaqstannyń barlyq 17 óńirinen 315 910 qol jinalǵan. Olardyń 313 653-i durys dep tanylǵan.
