Qazaqstan Prezidenti Qasym-Jomart Toqaev Resei Sberbankiniń basqarma tóraǵasy German Grefti qabyldady, dep habarlaidy "Ult aqparat" Aqordaǵa silteme jasap.
Memleket basshysy G.Grefke HII Astana ekonomikalyq forýmynyń jumysyna qatysqany úshin rizashylyq bildirip, shara jumysyna mazmun bergen onyń sóilegen sózine joǵary baǵa berdi.
Qasym-Jomart Toqaev ekonomikalyq ósimniń qarqyny kóbinese tehnologiialyq kóshbasshylyq pen tsifrlyq tehnologiialardyń damýyna bailanysty ekenin atap ótti. Onyń aitýynsha, jańa tehnologiialar men innovatsiialardy engizip, ekonomikalyq qyzmet qurylymyn ózgertken kompaniialar tabystyraq bolady.
– Siz tek Reseide ǵana emes, tipti odan da keńirek aýqymda tsifrlandyrý jáne jasandy intellekt salalary boiynsha myqty mamansyz desem, artyq aitqandyq emes. Sizdiń «Astana» Halyqaralyq qarjy ortalyǵynyń aldaǵy jumystaryna qatysty pikirińizdi bilgimiz keledi, – dedi Qazaqstan Prezidenti.
Taraptar bank salasyn damytýdyń ózekti máselelerin, sanktsiialyq saiasattyń eki el ekonomikasyna yqpalyn, sondai-aq, ekonomikalyq ósimdi yntalandyrýdyń zamanaýi quraldaryn qoldaný perspektivalaryn talqylady.
