Qasym-Jomart Toqaev Qazaqstanǵa Prezident Vladimir Pýtinniń tapsyrmasymen kelgen Resei Prezidenti Ákimshiligi Basshysynyń orynbasary Dmitrii Kozakty qabyldady, dep habarlaidy "Ult aqparat" Aqordanyń resmi saityna silteme jasap.
Kezdesý barysynda Qazaqstan men Resei arasyndaǵy áriptestik pen odaqtastyqtyń ózekti máseleleri talqylandy.
Saiasi, saýda-ekonomikalyq jáne gýmanitarlyq yntymaqtastyqty damytýǵa, sondai-aq, eýraziialyq integratsiiaǵa, sonyń ishinde, jýyrda ótetin Joǵarǵy Eýraziialyq ekonomikalyq keńes otyrysyna erekshe kóńil bólindi.
Memleket basshysy Resei Federatsiiasymen odaqtastyq bailanystardyń kún tártibindegi kóp qyrly ózara is-qimyldardy nyǵaitýǵa basymdyq berýdiń mańyzdy ekenin málimdedi. Eki el Prezidentteri Ákimshilikteriniń arasynda ózara is-qimyldardy jáne bailanystardy damytý jóninde kelisim jasaldy.
