Ortalyq sailaý komissiiasy Qazaqstan Respýblikasynyń prezidenttigine kandidat Qasym-Jomart Toqaevtyń sáikestigin belgileý týraly qaýly qabyldady, dep habarlaidy "Ult aqparat".
8 qazanda Nurlan Ábdirovtiń tóraǵalyǵymen Qazaqstan Respýblikasy Ortalyq sailaý komissiiasynyń otyrysy ótti. Oǵan saiasi partiialardyń, buqaralyq aqparat quraldarynyń ókilderi, beinekonferentsbailanys rejiminde oblystardyń, respýblikalyq mańyzy bar qalalardyń jáne astananyń aýmaqtyq sailaý komissiialarynyń músheleri qatysty.
Otyrysta Qazaqstan Respýblikasynyń Prezidenttigine kandidat Qasym-Jomart Kemeluly Toqaevtyń sáikestigin anyqtaý máselesi qaraldy.
"Kún tártibindegi másele boiynsha Ortalyq sailaý komissiiasynyń hatshysy Muhtar Erman baiandama jasady. Ol Qazaqstan Respýblikasynyń Prezidenttigine kandidat Qasym-Jomart Kemeluly Toqaevqa qatysty sailaý týraly Konstitýtsiialyq zańnyń 59-babynyń talaptaryna sáikes Ortalyq sailaý komissiiasy ýákiletti memlekettik organdarǵa tiisti suraý salýlar jiberilgenin habarlady. Quzyretti memlekettik organdardan kelgen málimetterge sai azamat Qasym-Jomart Kemeluly Toqaevqa qatysty Qazaqstan Respýblikasy Prezidenttigine kandidat retinde tirkelýge kedergiler joq ekeni anyqtaldy.
Máselen, QR Bas prokýratýrasynyń quqyqtyq statistika jáne arnaiy esepke alý jónindegi komitetiniń málimetine sai, Qasym-Jomart Kemeluly Toqaev Qazaqstan Respýblikasynyń Prezidenttigine kandidattarǵa qoiylatyn Konstitýtsiia men «QR sailaý týraly» KZ talaptaryna sáikes keledi" - delingen OSK habarlamasynda.
Ishki ister ministrliginiń málimetine sai Qasym-Jomart Kemeluly Toqaev týmysynan Qazaqstan Respýblikasynyń azamaty bolyp tabylady jáne Qazaqstanda sońǵy 69 jyl boiy turady.
«Qazaqstan Respýblikasyndaǵy sailaý týraly» QR KZ 54-babynyń 2-tarmaǵyna sáikes, memlekettik tildi erkin meńgergenin anyqtaý rásimi kandidatýrasy ókilettikterdiń kelesi merzimine qaita usynylǵan, jumys istep júrgen Respýblika Prezidentine qoldanylmaidy.
Usynylǵan diplomnyń kóshirmesine sai joǵary bilimi bar (diplomnyń túpnusqasymen salystyryp tekserý júrgizildi). QR memlekettik qyzmet isteri agenttiginen usynylǵan málimetterge sai memlekettik qyzmettegi jáne sailanbaly memlekettik laýazymdardaǵy jumys tájiribesi – 43 jyl 1 ai.
Ádilet ministrligi usynǵan málimetterge sai Qazaqstan Respýblikasynyń Prezidenttigine kandidat usynǵan Respýblikalyq qoǵamdyq birlestikterdiń Ádilet ministrliginde tirkelgeni týraly qujattary bar.
Osyǵan bailanysty Ortsailaýkom qaýly qabyldady:
1. Qazaqstan Respýblikasynyń Prezidenttigine kandidat Qasym-Jomart Kemeluly Toqaevtyń Qazaqstan Respýblikasynyń Konstitýtsiiasynda jáne «Qazaqstan Respýblikasyndaǵy sailaý týraly» Qazaqstan Respýblikasynyń 1995 jylǵy 28 qyrkúiektegi Konstitýtsiialyq zańynda oǵan qoiylatyn talaptarǵa sáikes ekeni anyqtalsyn.
2. Qazaqstan Respýblikasynyń Prezidenttigine kandidatty qoldaityn qoldardy jinaý úshin qol qoiý paraqtary qajetti mólsherde berilsin.
Qol jinaýdy kandidattyń senim bildirilgen adamdary júzege asyrady. Senim bildirilgen adamdardy tirkeýdi aýmaqtyq sailaý komissiialary Ortalyq sailaý komissiiasynyń 2011 jylǵy 21 qarashadaǵy № 62/108 qaýlysymen bekitilgen Nusqaýlyq negizinde júzege asyratyn bolady.
