Memleket basshysy elordadaǵy Ál-Farabi atyndaǵy Oqýshylar saraiynda ornalasqan sailaý ýchaskesine baryp, kezekten tys ótip jatqan Prezident sailaýynda daýys berdi, dep habarlaidy "Ult aqparat" Aqordanyń baspasóz qyzmetine silteme jasap.
Jýrnalister aldynda sóz sóilegen Qasym-Jomart Toqaev Prezident sailaýy elimiz úshin tarihi kún ekenin atap ótti.
"Búgin – óte mańyzdy, tarihi kún. Elimizdiń jarqyn bolashaǵy úshin daýys berip otyrmyz. Shyn máninde, biyl ońai bolǵan joq. Biraq halqymyz jumylyp, qiyndyqtardyń bárin eńserdi. Endi aldymyzda turǵan óte aýqymdy mindetter, maqsattar bar. Atqaratyn jumys áli de kóp. Saiasi reformalar júzege asyrylyp jatyr. Jazda jalpyulttyq referendým ótti. Endi, mine kezekten tys Prezident sailaýy ótkizilip jatyr. Keleshekte bul jumystar jalǵasa beredi", – dedi Qasym-Jomart Toqaev.
Memleket basshysy sózin qorytyndylai kele otandyq jáne sheteldik buqaralyq aqparat quraldary ókilderiniń suraqtaryna jaýap berdi.
