Memleket basshysy Qasym-Jomart Toqaev "Qazaqstan Respýblikasy Prezidentiniń kezekten tys sailaýyn taǵaiyndaý týraly" Jarlyqqa qol qoidy, - dep habarlaidy "Ult aqparat" Aqorda saityna silteme jasap.
"Qazaqstan Respýblikasy Konstitýtsiiasynyń 41-baby 3-1-tarmaǵyna sáikes QAÝLY ETEMIN:
1. Qazaqstan Respýblikasy Prezidentiniń kezekten tys sailaýy 2022 jyldyń 20 qarashasyna taǵaiyndalsyn.
2. Qazaqstan Respýblikasynyń Ortalyq sailaý komissiiasy kezekten tys prezidenttik sailaýdy uiymdastyrý men ótkizýdi qamtamasyz etsin.
3. Qazaqstan Respýblikasynyń Úkimeti kezekten tys prezidenttik sailaýdy uiymdastyrýshylyq, materialdyq-tehnikalyq jáne qarjylyq qamtamasyz etý jónindegi qajetti sharalardy qabyldasyn.
4. Astana, Almaty, Shymkent qalalarynyń jáne oblystardyń ákimderi sailaý quqyǵy bar azamattardyń tizimin ýaqytynda jasaýdy jáne durystyǵyn qamtamasyz etsin, Ortalyq, aýmaqtyq jáne ýchaskelik sailaý komissiialaryna kezekten tys prezidenttik sailaýdy uiymdastyrý men ótkizý máselelerin sheshýde jan-jaqty kómek kórsetsin.
5. Osy Jarlyq alǵashqy resmi jariialanǵan kúninen bastap qoldanysqa engiziledi", - delingen Jarlyqta.
