QR Prezidenti Qasym-Jomart Toqaev Úkimettiń ózgerý yqtimaldyǵyna qatysty oiyn aitty.
Memleket basshysy respýblikalyq «Egemen Qazaqstan» jáne «Aiqyn» gazetterine bergen suhbatynda Úkimettiń aýysýyn joqqa shyǵardy.
«Prezident aýysqanda Úkimettiń qosa aýysýy mindetti emes. Úkimet jaqynda ǵana jasaqtalǵany belgili. Qazir kóptegen qaýyrt jumystar bar. Ministrlerge naqty tapsyrmalar berildi. Sezd tapsyrmalaryn oryndaý, kóktemgi tasqyn qaýpiniń aldyn alý, egis naýqany siiaqty mańyzdy maýsymdyq mindetter tur. Sondyqtan qazirgi kezde Úkimetti aýystyrýdyń qajettiligin kórip turǵan joqpyn. Al jekelegen Úkimet músheleriniń qyzmeti olardyń atqarǵan naqty jumystaryna qarai baǵalanatyn bolady», - deidi ol óz suhbatynda.
