Memleket basshysy Qasym-Jomart Toqaev Premer-Ministrdiń orynbasary Roman Skliardy qabyldady, dep habarlaidy "Ult aqparat" Aqordanyń resmi saityna silteme jasap.
Prezidentke Germaniiadan investitsiia tartýǵa, eki eldiń biznes salasyndaǵy yntymaqtastyǵyn odan ári nyǵaitýǵa, Qazaqstan ekonomikasy úshin mańyzdy sanalatyn baǵyttardaǵy birlesken jobalardy iske asyrýǵa qatysty atqarylyp jatqan júieli jumystar jóninde aqparat berildi.
Úkimettiń jumys toby osy baǵyt boiynsha perspektivasy bar baǵyttar men jobalardy odan ári pysyqtaý úshin turaqty túrde kezdesýler ótkizýde.
Qasym-Jomart Toqaevqa Qazaqstandaǵy mashina jasaý salasyn damytý úshin júrgizilip jatqan keshendi jumystar týraly baiandaldy. Elimizde 119 myń qyzmetkerdi jumyspen qamtyp otyrǵan 3 myńnan astam mashina jasaý kásiporny bar. Úkimet atalǵan salany qarqyndy damytý maqsatymen otandyq mashina jasaý kásiporyndarynyń básekege qabilettiligin arttyrýǵa, óndiristiń kólemin saqtap, ósimin odan ári qamtamasyz etýge baǵyttalǵan qoldaý sharalaryn qabyldaýda.
Kezdesý qorytyndysy boiynsha Qasym-Jomart Toqaev júrgizilip jatqan jumystardyń mańyzdy ekenine nazar aýdaryp, birqatar naqty tapsyrma berdi.
