مەملەكەت باسشىسى قاسىم-جومارت توقاەۆ پرەمەر-مينيستردٸڭ ورىنباسارى رومان سكلياردى قابىلدادى, دەپ حابارلايدى "ۇلت اقپارات" اقوردانىڭ رەسمي سايتىنا سٸلتەمە جاساپ.
پرەزيدەنتكە گەرمانييادان ينۆەستيتسييا تارتۋعا, ەكٸ ەلدٸڭ بيزنەس سالاسىنداعى ىنتىماقتاستىعىن ودان ەرٸ نىعايتۋعا, قازاقستان ەكونوميكاسى ٷشٸن ماڭىزدى سانالاتىن باعىتتارداعى بٸرلەسكەن جوبالاردى ٸسكە اسىرۋعا قاتىستى اتقارىلىپ جاتقان جٷيەلٸ جۇمىستار جٶنٸندە اقپارات بەرٸلدٸ.
ٷكٸمەتتٸڭ جۇمىس توبى وسى باعىت بويىنشا پەرسپەكتيۆاسى بار باعىتتار مەن جوبالاردى ودان ەرٸ پىسىقتاۋ ٷشٸن تۇراقتى تٷردە كەزدەسۋلەر ٶتكٸزۋدە.
قاسىم-جومارت توقاەۆقا قازاقستانداعى ماشينا جاساۋ سالاسىن دامىتۋ ٷشٸن جٷرگٸزٸلٸپ جاتقان كەشەندٸ جۇمىستار تۋرالى باياندالدى. ەلٸمٸزدە 119 مىڭ قىزمەتكەردٸ جۇمىسپەن قامتىپ وتىرعان 3 مىڭنان استام ماشينا جاساۋ كەسٸپورنى بار. ٷكٸمەت اتالعان سالانى قارقىندى دامىتۋ ماقساتىمەن وتاندىق ماشينا جاساۋ كەسٸپورىندارىنىڭ بەسەكەگە قابٸلەتتٸلٸگٸن ارتتىرۋعا, ٶندٸرٸستٸڭ كٶلەمٸن ساقتاپ, ٶسٸمٸن ودان ەرٸ قامتاماسىز ەتۋگە باعىتتالعان قولداۋ شارالارىن قابىلداۋدا.
كەزدەسۋ قورىتىندىسى بويىنشا قاسىم-جومارت توقاەۆ جٷرگٸزٸلٸپ جاتقان جۇمىستاردىڭ ماڭىزدى ەكەنٸنە نازار اۋدارىپ, بٸرقاتار ناقتى تاپسىرما بەردٸ.
