Foto: Aqorda
Memleket basshysy Qasym-Jomart Toqaev Qazaqstandaǵy pravoslav hristiandardy Rojdestvo merekesimen quttyqtady, dep habarlaidy Ult.kz.
Prezident quttyqtaýynda Rojdestvo meiramynyń adamdardyń júregine senim men úmit uialatatyn, adamzatty súiispenshilikke, ádildik pen izgilikke úndeitin jarqyn mereke ekenin atap ótti. Sondai-aq shynaiylyq, jaýapkershilik, meiirimdilik pen úilesimdilik syndy máńgilik rýhani qundylyqtardyń hristian dinimen qatar ózge de dástúrli dinderge ortaq ekenin jetkizdi.
Qasym-Jomart Toqaev pravoslav hristiandarynyń eldegi konfessiiaaralyq kelisimdi nyǵaitýǵa, óskeleń urpaqty otanshyldyqqa, eńbekqorlyqqa tárbieleýge jáne otbasy qundylyqtaryn dáripteýge qosyp otyrǵan úlesin erekshe atap ótti.
Memleket basshysy birlik, tilektestik jáne ózara qoldaý qaǵidattary memlekettik saiasattyń ajyramas bóligi ekenin aityp, qazaqstandyqtar ádildik pen ósip-órkendeý jolynda birlese alǵa qadam basa beretinin atap ótti.
Sóz sońynda Prezident pravoslav azamattarǵa jáne barsha halyqqa zor densaýlyq, mol tabys tilep, ár shańyraqqa qut-bereke tiledi.
