Qazaqstan Prezidenti AQSh-tyń Memlekettik hatshysy Maikl Pompeomen telefon arqyly sóilesti, dep habarlaidy "Ult aqparat" Aqordaǵa silteme jasap.
Memleket basshysy Qasym-Jomart Toqaev pen Maikl Pompeo COVID-19 indetiniń taralýyna qarsy kúreste halyqaralyq is-qimyldardy úilestirý máselelerin talqylady.
Qasym-Jomart Toqaev AQSh-tyń Qazaqstanǵa qoldaý bildirip, gýmanitarlyq kómek kórsetkeni úshin rizashylyǵyn bildirdi. AQSh diplomatiiasynyń basshysy Vashingtonnyń pandemiiany tezirek aýyzdyqtaý jáne onyń saldaryn joiý maqsatynda ekijaqty yqpaldastyqty arttyrý nietin naqtylady.
Memleket basshysy Qazaqstannyń Ortalyq Aziia elderindegi epidemiologiialyq jáne azyq-túlik qaýipsizdigin qamtamasyz etý úshin kómektesýge daiyn ekenin aitty.
Áńgimelesý barysynda Qazaqstan men Amerika arasyndaǵy saiasi dialogty odan ári tereńdetý jáne saýda-ekonomikalyq yntymaqtastyqty nyǵaitý týraly ýaǵdalastyqqa qol jetkizildi.
Taraptar Qazaqstan men AQSh arasyndaǵy strategiialyq seriktestikti arttyrýdyń, Ortalyq Aziiada turaqtylyq pen qaýipsizdikti saqtaý maqsatynda atqaratyn birlesken jumystardy jalǵastyrýdyń mańyzdylyǵyn atap ótti.
