قازاقستان پرەزيدەنتٸ اقش-تىڭ مەملەكەتتٸك حاتشىسى مايكل پومپەومەن تەلەفون ارقىلى سٶيلەستٸ, دەپ حابارلايدى "ۇلت اقپارات" اقورداعا سٸلتەمە جاساپ.
مەملەكەت باسشىسى قاسىم-جومارت توقاەۆ پەن مايكل پومپەو COVID-19 ٸندەتٸنٸڭ تارالۋىنا قارسى كٷرەستە حالىقارالىق ٸس-قيمىلداردى ٷيلەستٸرۋ مەسەلەلەرٸن تالقىلادى.
قاسىم-جومارت توقاەۆ اقش-تىڭ قازاقستانعا قولداۋ بٸلدٸرٸپ, گۋمانيتارلىق كٶمەك كٶرسەتكەنٸ ٷشٸن ريزاشىلىعىن بٸلدٸردٸ. اقش ديپلوماتيياسىنىڭ باسشىسى ۆاشينگتوننىڭ پاندەمييانى تەزٸرەك اۋىزدىقتاۋ جەنە ونىڭ سالدارىن جويۋ ماقساتىندا ەكٸجاقتى ىقپالداستىقتى ارتتىرۋ نيەتٸن ناقتىلادى.
مەملەكەت باسشىسى قازاقستاننىڭ ورتالىق ازييا ەلدەرٸندەگٸ ەپيدەميولوگييالىق جەنە ازىق-تٷلٸك قاۋٸپسٸزدٸگٸن قامتاماسىز ەتۋ ٷشٸن كٶمەكتەسۋگە دايىن ەكەنٸن ايتتى.
ەڭگٸمەلەسۋ بارىسىندا قازاقستان مەن امەريكا اراسىنداعى ساياسي ديالوگتى ودان ەرٸ تەرەڭدەتۋ جەنە ساۋدا-ەكونوميكالىق ىنتىماقتاستىقتى نىعايتۋ تۋرالى ۋاعدالاستىققا قول جەتكٸزٸلدٸ.
تاراپتار قازاقستان مەن اقش اراسىنداعى ستراتەگييالىق سەرٸكتەستٸكتٸ ارتتىرۋدىڭ, ورتالىق ازييادا تۇراقتىلىق پەن قاۋٸپسٸزدٸكتٸ ساقتاۋ ماقساتىندا اتقاراتىن بٸرلەسكەن جۇمىستاردى جالعاستىرۋدىڭ ماڭىزدىلىعىن اتاپ ٶتتٸ.
