Memleket basshysy Qasym-Jomart Toqaev Resei Prezidenti Vladimir Pýtinmen telefon arqyly sóilesti, dep habarlaidy "Ult aqparat" Aqordaǵa silteme jasap.
Qazaqstan men Resei prezidentteri eki memleket arasyndaǵy strategiialyq áriptestik pen odaqtastyq qatynastaryn odan ári damytý jóninde pikir almasty.
Áńgimelesý barysynda memleket basshylary joǵary deńgeide qol jetkizilgen ýaǵdalastyqtardy júzege asyryp kele jatqan úkimetterdiń ózara tiimdi is-áreketin atap ótti.
Qasym-Jomart Toqaev Vladimir Pýtinge TMD, AÓSShK sammitterine, sondai-aq qazan aiynyń ortasynda Qazaqstan astanasynda ótetin «Ortalyq Aziia – Resei» memleketter basshylarynyń otyrysyna qatysýǵa keliskenine rizashylyǵyn bildirdi.
Vladimir Pýtin Qasym-Jomart Toqaevqa búgingi Joldaýynda atap ótken aýqymdy mindetterdi júzege asyrýda tabys tiledi.
Prezidentter turaqty jumys bailanystaryn jalǵastyrýǵa kelisti.
