مەملەكەت باسشىسى قاسىم-جومارت توقاەۆ رەسەي پرەزيدەنتٸ ۆلاديمير پۋتينمەن تەلەفون ارقىلى سٶيلەستٸ, دەپ حابارلايدى "ۇلت اقپارات" اقورداعا سٸلتەمە جاساپ.
قازاقستان مەن رەسەي پرەزيدەنتتەرٸ ەكٸ مەملەكەت اراسىنداعى ستراتەگييالىق ەرٸپتەستٸك پەن وداقتاستىق قاتىناستارىن ودان ەرٸ دامىتۋ جٶنٸندە پٸكٸر الماستى.
ەڭگٸمەلەسۋ بارىسىندا مەملەكەت باسشىلارى جوعارى دەڭگەيدە قول جەتكٸزٸلگەن ۋاعدالاستىقتاردى جٷزەگە اسىرىپ كەلە جاتقان ٷكٸمەتتەردٸڭ ٶزارا تيٸمدٸ ٸس-ەرەكەتٸن اتاپ ٶتتٸ.
قاسىم-جومارت توقاەۆ ۆلاديمير پۋتينگە تمد, اٶسشك سامميتتەرٸنە, سونداي-اق قازان ايىنىڭ ورتاسىندا قازاقستان استاناسىندا ٶتەتٸن «ورتالىق ازييا – رەسەي» مەملەكەتتەر باسشىلارىنىڭ وتىرىسىنا قاتىسۋعا كەلٸسكەنٸنە ريزاشىلىعىن بٸلدٸردٸ.
ۆلاديمير پۋتين قاسىم-جومارت توقاەۆقا بٷگٸنگٸ جولداۋىندا اتاپ ٶتكەن اۋقىمدى مٸندەتتەردٸ جٷزەگە اسىرۋدا تابىس تٸلەدٸ.
پرەزيدەنتتەر تۇراقتى جۇمىس بايلانىستارىن جالعاستىرۋعا كەلٸستٸ.
