Foto: Aqorda
Memleket basshysy Qasym-Jomart Toqaev Qazaqstanǵa kelgen Armeniia premer-ministri Nikol Pashiniamen kelissóz júrgizdi, dep habarlaidy Aqorda.
Toqaev Armeniia premeriniń Qazaqstanǵa kelýi mańyzdy oqiǵa ekenin atap ótti.
"Eki eldiń strategiialyq seriktestik deńgeiindegi qarym-qatynasynyń damýyna úlken serpin beredi dep senemiz. Bul – Qazaqstanǵa alǵashqy saparyńyz. Shyn máninde, qazaq halqy Armeniia jurtyna, tarihyna, salt-dástúrine, mádenietine zor qurmetpen qaraidy", - dedi Toqaev.
Onyń aitýynsha, sapar barysynda birqatar mańyzdy kelisimge qol qoiylady.
Al Armaniianyń premer-ministri Nikol Pashinian Qazaqstannyń qonaqjailylyǵyna alǵysyn bildirdi.
"Asa qurmetti prezident myrza, meni Qazaqstanǵa resmi saparmen shaqyryp, Astanada qonaqjailyq tanytqanyńyz úshin alǵys aitamyn. Bul sapar bizdiń ekijaqty qarym-qatynasymyzǵa tyń serpin beredi. Qos memleket arasyndaǵy yntymaqtastyqtyń jańa kezeńi Sizdiń byltyr Armeniiaǵa jasaǵan resmi saparyńyzdan bastaý aldy", - dedi Pshenian.
Onyń aitýynsha, Toqaevtyń Armenia jerine jasaǵan is-sapary aiasynda biraz kelisimge qol qoiyldy.
"Onyń keibiri júzege asyryldy, qalǵan bóligi oryndalý ústinde. Qazaqstanǵa resmi saparmen kelý – men úshin zor mártebe",- dedi Armeniia premer ministri.
