فوتو: اقوردا
مەملەكەت باسشىسى قاسىم-جومارت توقاەۆ قازاقستانعا كەلگەن ارمەنييا پرەمەر-مينيسترٸ نيكول پاشينيامەن كەلٸسسٶز جٷرگٸزدٸ, دەپ حابارلايدى اقوردا.
توقاەۆ ارمەنييا پرەمەرٸنٸڭ قازاقستانعا كەلۋٸ ماڭىزدى وقيعا ەكەنٸن اتاپ ٶتتٸ.
"ەكٸ ەلدٸڭ ستراتەگييالىق سەرٸكتەستٸك دەڭگەيٸندەگٸ قارىم-قاتىناسىنىڭ دامۋىنا ٷلكەن سەرپٸن بەرەدٸ دەپ سەنەمٸز. بۇل – قازاقستانعا العاشقى ساپارىڭىز. شىن مەنٸندە, قازاق حالقى ارمەنييا جۇرتىنا, تاريحىنا, سالت-دەستٷرٸنە, مەدەنيەتٸنە زور قۇرمەتپەن قارايدى", - دەدٸ توقاەۆ.
ونىڭ ايتۋىنشا, ساپار بارىسىندا بٸرقاتار ماڭىزدى كەلٸسٸمگە قول قويىلادى.
ال ارمانييانىڭ پرەمەر-مينيسترٸ نيكول پاشينيان قازاقستاننىڭ قوناقجايلىلىعىنا العىسىن بٸلدٸردٸ.
"اسا قۇرمەتتٸ پرەزيدەنت مىرزا, مەنٸ قازاقستانعا رەسمي ساپارمەن شاقىرىپ, استانادا قوناقجايلىق تانىتقانىڭىز ٷشٸن العىس ايتامىن. بۇل ساپار بٸزدٸڭ ەكٸجاقتى قارىم-قاتىناسىمىزعا تىڭ سەرپٸن بەرەدٸ. قوس مەملەكەت اراسىنداعى ىنتىماقتاستىقتىڭ جاڭا كەزەڭٸ سٸزدٸڭ بىلتىر ارمەنيياعا جاساعان رەسمي ساپارىڭىزدان باستاۋ الدى", - دەدٸ پشەنيان.
ونىڭ ايتۋىنشا, توقاەۆتىڭ ارمەنيا جەرٸنە جاساعان ٸس-ساپارى اياسىندا بٸراز كەلٸسٸمگە قول قويىلدى.
"ونىڭ كەيبٸرٸ جٷزەگە اسىرىلدى, قالعان بٶلٸگٸ ورىندالۋ ٷستٸندە. قازاقستانعا رەسمي ساپارمەن كەلۋ – مەن ٷشٸن زور مەرتەبە",- دەدٸ ارمەنييا پرەمەر مينيسترٸ.
