Belarýs tarapynyń bastamasy boiynsha Prezident Qasym-Jomart Toqaev Aleksandr Lýkashenkomen telefon arqyly sóilesti. Bul týraly Aqordanyń baspasóz qyzmeti habarlady.
Áńgimelesý barysynda memleket basshylary Qazaqstan men Belarýs arasyndaǵy kópjaqty yntymaqtastyqtyń, strategiialyq seriktestik pen odaqtastyqtyń qazirgi jaǵdaiyn jáne ony nyǵaitýdyń perspektivalaryn talqylady.
Taraptar ózara saýda-sattyq kólemin arttyrýǵa, mashina jasaý, aýyl sharýashylyǵy, kólik jáne basqa da salalardaǵy birlesken jobalardy júzege asyrýǵa mán bere otyryp, saýda-ekonomikalyq yqpaldastyq pen óndiristik kooperatsiiany jan-jaqty jandandyrýǵa erekshe nazar aýdardy.
Budan bólek Prezidentter óńirdegi epidemiologiialyq ahýal, sondai-aq eki el halqyn jappai vaktsinalaý úshin qabyldanyp jatqan sharalar jaiynda pikir almasty. Osy rette Memleket basshylary COVID-19 pandemiiasynyń teris saldaryn eńserý jónindegi úilesimdi is-qimyldardy jalǵastyrýǵa nietti ekenin naqtylady.
