Memleket basshysy Qasym-Jomart Toqaev Túrkiia Prezidenti Rejep Taiip Erdoǵanmen telefon arqyly sóilesti, - dep habarlaidy "Ult aqparat" Aqordaǵa silteme jasap.
Áńgime basynda Qasym-Jomart Toqaev pen Rejep Taiip Erdoǵan birin-biri qasietti Ramazan aiynyń bastalýymen quttyqtady.
Biyl naýryz aiynda Qazaqstan men Túrkiia eki el arasyndaǵy diplomatiialyq qatynastardyń 30 jyldyǵyn atap ótti. Prezidentter saýda-ekonomikalyq bailanystardyń damý qarqynyn oń baǵalady. Qasym-Jomart Toqaev ekijaqty saýda-sattyq kólemin 5 milliard dollarǵa deiin, sodan keiin keleshekte 10 milliard dollarǵa deiin arttyrýdyń mańyzdy ekenin aitty.
Túrkiia kóshbasshysy Qazaqstan Prezidentiniń mamyr aiynda Ankaraǵa josparlaǵan memlekettik sapary eki el arasyndaǵy kópjaqty qatynastardyń damýyna tyń serpin beredi dep úmittenetinin jetkizdi.
Sonymen qatar Memleket basshylary halyqaralyq jáne aimaqtyq kún tártibindegi ózekti máseleler jóninde de jan-jaqty pikir almasty. Qasym-Jomart Toqaev Rejep Taiip Erdoǵannyń Ýkrainadaǵy jaǵdaidy beibit jolmen retteý jónindegi bitimgerlik kúsh-jigeriniń tiimdiligin joǵary baǵalady.
Eki el basshylarynyń áńgimesi dástúrli dostyq rýhynda ótti.
