Prezident Qasym-Jomart Toqaev Nikol Pashiniandy Armeniia Respýblikasynyń Premer-Ministri laýazymyna taǵaiyndalýymen quttyqtady, dep habarlaidy "Ult aqparat" Aqordaǵa silteme jasap.
- Sizge artylǵan senim – qoǵamdaǵy turaqtylyqty, birlik pen kelisimdi qamtamasyz etýge, azamattardyń ál-aýqatyn arttyrýǵa, Armeniianyń halyqaralyq arenadaǵy bedelin nyǵaitýǵa baǵyttalǵan saiasatyńyzdyń keń qoldaý tapqanynyń aiqyn kórinisi, – delingen jedelhatta.
Qasym-Jomart Toqaev Nikol Pashiniannyń asa jaýapty memlekettik laýazymdaǵy qyzmeti Armeniianyń turaqty damýy men ilgerileýine, sondai-aq, Qazaqstanmen aradaǵy ekijaqty jáne kópjaqty qatynastardy keńeitip, tereńdetýge yqpal etetinine senim bildirdi.
Memleket basshysy Armeniianyń Premer-Ministrine zor densaýlyq pen mol tabys, dostas armian halqyna igilikter men órkendeý tiledi.
Nikol Pashinian parlamenttik kópshiliktiń usynýymen Armeniia Premer-Ministri bolyp taǵaiyndalǵanyn buǵan deiin jazǵan bolatynbyz.
