پرەزيدەنت قاسىم-جومارت توقاەۆ نيكول پاشينياندى ارمەنييا رەسپۋبليكاسىنىڭ پرەمەر-مينيسترٸ لاۋازىمىنا تاعايىندالۋىمەن قۇتتىقتادى, دەپ حابارلايدى "ۇلت اقپارات" اقورداعا سٸلتەمە جاساپ.
- سٸزگە ارتىلعان سەنٸم – قوعامداعى تۇراقتىلىقتى, بٸرلٸك پەن كەلٸسٸمدٸ قامتاماسىز ەتۋگە, ازاماتتاردىڭ ەل-اۋقاتىن ارتتىرۋعا, ارمەنييانىڭ حالىقارالىق ارەناداعى بەدەلٸن نىعايتۋعا باعىتتالعان ساياساتىڭىزدىڭ كەڭ قولداۋ تاپقانىنىڭ ايقىن كٶرٸنٸسٸ, – دەلٸنگەن جەدەلحاتتا.
قاسىم-جومارت توقاەۆ نيكول پاشينياننىڭ اسا جاۋاپتى مەملەكەتتٸك لاۋازىمداعى قىزمەتٸ ارمەنييانىڭ تۇراقتى دامۋى مەن ٸلگەرٸلەۋٸنە, سونداي-اق, قازاقستانمەن اراداعى ەكٸجاقتى جەنە كٶپجاقتى قاتىناستاردى كەڭەيتٸپ, تەرەڭدەتۋگە ىقپال ەتەتٸنٸنە سەنٸم بٸلدٸردٸ.
مەملەكەت باسشىسى ارمەنييانىڭ پرەمەر-مينيسترٸنە زور دەنساۋلىق پەن مول تابىس, دوستاس ارميان حالقىنا يگٸلٸكتەر مەن ٶركەندەۋ تٸلەدٸ.
نيكول پاشينيان پارلامەنتتٸك كٶپشٸلٸكتٸڭ ۇسىنۋىمەن ارمەنييا پرەمەر-مينيسترٸ بولىپ تاعايىندالعانىن بۇعان دەيٸن جازعان بولاتىنبىز.
