Qazaqstan Prezidenti Qasym-Jomart Toqaev Máýlen Áshimbaevty, Azat Perýashevti, Aiqyn Qońyrovty jáne Áli Bektaevty qabyldady, dep habarlaidy "Ult aqparat" Aqordaǵa silteme jasap.
"Memleket basshysy Qasym-Jomart Toqaev «Nur Otan» partiiasy Tóraǵasynyń birinshi orynbasary Máýlen Áshimbaevty, Qazaqstannyń «Aq jol» demokratiialyq partiiasynyń tóraǵasy Azat Perýashevti, Qazaqstan kommýnistik halyq partiiasy Ortalyq Komitetiniń hatshysy Aiqyn Qońyrovty, «Aýyl» halyqtyq-demokratiialyq patriottyq partiiasynyń tóraǵasy Áli Bektaevty qabyldady. Kezdesý barysynda qoǵamdyq-saiasi kún tártibindegi ózekti máseleler talqylandy" delingen baspasóz habarlamasynda.
Aita ketsek, búgin, 9 sáýirde, Nur-Sultan qalasynyń ýaqyty boiynsha saǵat 13.00-de Memleket basshysy Qasym-Jomart Toqaev respýblikalyq telearnalar arqyly Qazaqstan halqyna úndeý jariialaidy.
