Memleket basshysy Qasym-Jomart Toqaev Prezident Ákimshiligi basshylyǵynyń, Premer-Ministrdiń orynbasarynyń, Qaýipsizdik Keńesi hatshysynyń, Ulttyq qaýipsizdik komiteti tóraǵasynyń, Syrtqy ister ministriniń, Qorǵanys ministriniń, Ishki ister ministriniń jáne Qarýly Kúshter Bas shtaby bastyǵynyń qatysýymen keńes ótkizdi.
Bul týraly Aqordanyń baspasóz qyzmeti habarlady.
Syrtqy ister ministri Muhtar Tileýberdi men basqa da vedomstvo basshylary Taiaý Shyǵystaǵy qazirgi ahýal týraly baiandady.
Qazaqstan Prezidenti Parsy shyǵanaǵy aimaǵyndaǵy ahýaldyń kúrt shielenisýine alańdaýshylyq bildirip, atalǵan is-qimyldarǵa qatysýshy taraptardyń barynsha ustamdylyq tanytýy qajettigin aityp, qaqtyǵystardy diplomatiialyq ádis-tásildermen, eń aldymen, bul iske BUU aralastyra otyryp, sondai-aq ekijaqty bailanystar men kelissózder arqyly retteý múmkin ekenin atap ótti.
Keńes qorytyndysy boiynsha Memleket basshysy Qazaqstannyń Taiaý Shyǵystaǵy elshilikteri men ondaǵy qyzmetkerlerdiń qaýipsizdigin qamtamasyz etýdi, elimizdegi sheteldik diplomatiialyq ókildikter men kompaniialar keńseleriniń qaýipsizdigin saqtaý úshin sharalar qabyldaýdy, memleketimizdiń ulttyq múddesine qatysty mańyzdy aqparattardy alý jáne taldaý jumystaryn kúsheitýdi tapsyrdy. Halyqaralyq ahýaldyń shielenisýi jaǵdaiynda Qazaqstannyń áleýmettik-ekonomikalyq damý jáne qorǵanys áleýetin kúsheitý máselelerine erekshe kóńil bólinedi.
