Memleket basshysy Qasym-Jomart Toqaev el jastaryna senim bildirdi, dep habarlaidy "Ult aqparat".
«Biz qoǵamdyq pikirdi jáne azamattardyń túitkildi máselelerin zerdelei otyryp, mańyzdy isterge jol ashtyq. Búgin men jastarǵa arnalǵan 30 paiyzdyq kvota týraly aittym. Bul bastamanyń zańdy turǵyda rásimdelýi – memleketti basqarý tásilderin jańartýǵa baǵyttalǵan baiypty qadam. Sondai-aq, osy joba arqyly elimizdiń saiasi ómirine belsendi aralasýǵa zor múmkindik beriledi», - dedi Prezident Ulttyq qoǵamdyq senim keńesiniń otyrysynda.
Qasym-Jomart Toqaev qazir elimiz boiynsha máslihat depýtattary korpýsynda jastardyń úlesi 2 paiyz shamasynda ekenin jetkizdi.
«3 myńnan astam máslihat depýtatynyń arasyndaǵy jastardyń sany bar-joǵy 60-qa jýyq. Mundai jaǵdaida qoǵamda, ásirese jastar arasynda áleýmettik lifttiń tiimdiligi týraly suraqtyń týyndaýy oryndy. Al búgingi tańda barlyq saiasi partiialar talantty ári belsendi jastardy tartyp jatqanyn kórip otyrmyz. Muny jaǵymdy úderis dep sanaimyn. Qanshama jastar úshin eldiń damýy men bolashaǵyn aiqyndaýǵa sózben emes, ispen úles qosýǵa shynaiy múmkindik týady. Muny aldaǵy Májilis pen máslihattar sailaýynyń nátijesinen kóretin bolamyz. Bul iske Ulttyq keńestiń barlyq múshesi zor eńbek sińirdi», - dedi ol.
