Dáriger uzaq ómir súrýdiń el bilmeitin taǵy bir qupiiasyn ashty Dáriger uzaq ómir súrýdiń el bilmeitin taǵy bir qupiiasyn ashty «Prezidenttiń týystaryn tanymaimyn»: Botagóz Omarova isine qatysty «VD Stroy Engineering» kompaniiasy basshysy suqbat berdi «Prezidenttiń týystaryn tanymaimyn»: Botagóz Omarova isine qatysty «VD Stroy Engineering» kompaniiasy basshysy suqbat berdi
Saiasat

Toqaev Ózbekstannyń Premer-Ministrin qabyldady

Ult portaly
Toqaev Ózbekstannyń Premer-Ministrin qabyldady


Qazaqstan Prezidenti Qasym-Jomart Toqaev Ózbekstannyń Premer-Ministri Abdýlla Aripovty qabyldady, dep habarlaidy Aqorda.

Qasym-Jomart Toqaev zamanaýi syn-qaterler kezinde turaqtylyqtyń joǵary deńgeiin kórsetken ekijaqty yntymaqtastyqtyń qazirgi ahýalyna oń baǵasyn berdi. Prezidenttiń pikirinshe, buǵan joǵary deńgeidegi belsendi dialog, úkimetter arasyndaǵy tyǵyz yqpaldastyq, sondai-aq, taraptardyń eki el ortasyndaǵy kópqyrly bailanystardy nyǵaitýǵa umtylysy dálel bola alady. 

«Eki memleket arasyndaǵy yntymaqtastyq meniń Ózbekstanǵa jasaǵan saparym kezinde qurmetti áriptesim Shavkat Miromonuly Mirziioevpen kelissózder barysynda qol jetkizilgen ýaǵdalastyqtarǵa sáikes joǵary deńgeide ári tabysty damyp keledi. Biz baýyrlas Ózbekstanmen yqpaldastyqty damytýǵa basa mán beremiz. Óitkeni muny Ortalyq Aziiadaǵy turaqtylyq pen qaýipsizdikti saqtaýdyń mańyzdy faktor dep sanaimyz. Eki el arasyndaǵy yntymaqtastyqty ártúrli baǵytta, eń bastysy, mazmundyq turǵydan ilgeriletetin birlesken birqatar jobalardyń bar ekenin atap ótkim keledi», – dedi Qazaqstan Prezidenti.

Memleket basshysy búginde Ózbekstannyń kóptegen salalar boiynsha tabysty damyp, onda josparly túrde úlken reformalardyń júrgizilip jatqanyn málim etti. Prezidenttiń sózinshe, qazaqstandyqtar strategiialyq áriptesimiz ári odaqtasymyz Ózbekstannyń jetistikterine shyn nietimen qýanady.

«Ózbekstan Shavkat Miromonuly Mirziioevtiń basshylyǵymen áleýmettik-ekonomikalyq damý boiynsha aitarlyqtai jetistikterge qol jetkizdi. Baýyrlas el bolǵandyqtan biz buǵan qýanyshtymyz. Árine Ózbekstannyń tabysty damýy ózara tiimdi yntymaqtastyqty órkendetýge oń yqpal etedi», – dedi Qasym-Jomart Toqaev.

Abdýlla Aripov óz kezeginde kezdesýge múmkindik týǵyzǵany úshin Qasym-Jomart Toqaevqa alǵys aityp, Ózbekstan Prezidenti Shavkat Mirziioevtiń júrekjardy sálemi men izgi nietin jetkizdi.
«Shavkat Miromonuly men Sizdiń, Qasym-Jomart Kemeluly turaqty ári ózara senimge negizdelgen qarym-qatynastaryńyzdyń arqasynda kópjaqty qazaq-ózbek yntymaqtastyǵynyń oń qarqyny sátti qalyptasty. Aldaǵy jyldary ózara saýda-sattyq kólemin 10 milliard dollarǵa jetkizý mindetin júktedińizder. Eki el úkimetteri osy mejege naqty qol jetkizýdi kózdeidi», – dedi Abdýlla Aripov.

Memleket basshysy úkimetterdiń jumys qarqynyn báseńdetýge bolmaitynyn atap ótip, koronavirýs kezeńinen keiingi eki el arasyndaǵy saýda-ekonomikalyq yqpaldastyqty arttyrý úshin barlyq áleýetti jumyldyrýdyń mańyzdy ekenine nazar aýdardy.


Qasym-Jomart Toqaev Shavkat Mirziioevpen telefon arqyly sóilesý barysynda Ózbekstan Prezidentiniń ózine yńǵaily ýaqytta Qazaqstanǵa memlekettik saparyn uiymdastyrý jóninde ýaǵdalasqanyn aitty.

Kezdesý sońynda Qazaqstan Prezidenti Ózbekstannyń Premer-Ministri Abdýlla Aripovti qazaq-ózbek bailanystaryn damytýǵa jáne dostyq arqaýyn nyǵaitýǵa qosqan úlesi úshin II dárejeli Dostyq ordenimen marapattady.



Oqi otyryńyz