Memleket basshysy Qasym-Jomart Toqaev Ózbekstan Respýblikasynyń Prezidenti Shavkat Mirzieevpen telefon arqyly sóilesti, dep habarlaidy "Ult aqparat" Aqordaǵa silteme jasap.
Ózbekstan Prezidenti Shavkat Mirzieev Qasym-Jomart Toqaevty Qazaqstan Respýblikasynyń Prezidenti sailaýyndaǵy aiqyn jeńisimen quttyqtady.
Qasym-Jomart Toqaev Shavkat Mirzieevke quttyqtaǵany úshin rizashylyq bildirip, baýyrlas elder arasyndaǵy yntymaqtastyqty jan-jaqty ári qarqyndy ilgeriletý jónindegi Elbasy Nursultan Nazarbaevtyń ustanǵan saiasatyn jalǵastyratynyn atap ótti.
Memleketter basshylary Qasym-Jomart Toqaevtyń biylǵy 14-15 sáýirde Ózbekstanǵa jasaǵan memlekettik saparynyń nátijesinde qol jetkizilgen ýaǵdalastyqtardyń tiimdi júzege asyrylýy qazaq-ózbek qarym-qatynastarynyń damýyna tyń serpin beretinine senimdilik bildirdi.
